Песен: 3 Создан:
06.05.2015 Обновлен:
06.05.2015
| 10 Сентября | 2026 года |
Навигация
- Кесине гебен этелмеген, биреуге черен эте эди.
- Тюзлюк тас болмайды.
- Сабий болмагъан джерде, мёлек болмаз.
- Босагъагъа джууукъ орун болса, ашыгъыб тёрге озма.
- Урунуу – насыбны анасы.
- Кенгеш болса, уруш болмаз.
- Айраннга суу къош, телиге джол бош.
- Сууда джау джокъ, кёб сёзде магъана джокъ.
- Сабийни джумушха джибер да, ызындан бар.
- Тели турса – той бузар.
- Къызбайны юйюне дери сюрсенг, батыр болур.
- Игилик игилик бла сингдирилиучю затды.
- Тюзлюк шохлукъну бегитир.
- Адам сёзге тынгыла, акъыл сёзню ангыла.
- Ашхы тенг джолгъа салыр, аман тенг джолдан тайдырыр.
- Этек чакъмакълары баш джаргъан, сёлешген сёзлери таш джаргъан.
- Намыс болмагъан джерде, насыб болмаз.
- Къайтырыкъ эшигинги, къаты уруб чыкъма.
- Ана къойну – балагъа джандет.
- Зар адам ашынгы ашар, кесинги сатар.
- Нарт сёз – тилни бети.
- Окъугъан – асыу, окъумагъан – джарсыу.
- Уллу сёзде уят джокъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Къарт айтханны этмеген, къартаймаз.
- Ач бёрюге мекям джокъ.
- Намыс сатылыб алынмайды.
- Акъыл неден да кючлюдю.
- Эр абынмай, эл танымаз.
- Джарлы джети элни сёзюн этер.
- Гугук кесини атын айтыб къычыргъанча, мен, мен деб нек тураса?
- Кёлсюзден сёзсюз тууар.
- Уруну арты – къуру.
- Ашхылыкъ джерде джатмайды, аманлыкъ суугъа батмайды.
- Эки къатын алгъан – эки ташны ортасына башын салгъан.
- Сабий кёргенин унутмаз.
- Адамгъа аман кюн соруб келмейди.
- Бойнуму джети джерден кессенг да, мен ол ишни этеллик тюлме.
- Нёгер болсанг, тенг бол, тенг болмасанг, кенг бол.
- Ишлегенде эринме, ишде чолакъ кёрюнме.
- Тюзню ётмеги тюзде къалса да, тас болмаз.
- Башы джабылгъан челекге, кир тюшмез.
- Ишни ахырын ойламай, аллын башлама.
- Тик ёргени, тик энгишгеси да болады.
- Насыблы элин сюер, насыбсыз кесин сюер.
- Кёл – къызбай, къол – батыр.
- Джарлыны эшигин махтагъан джабар.
- Кирсизни – саны таза, халалны – къаны таза.
- «Ма», - дегенни билмесенг, «бер», - дегенни билмезсе.
- Джерни букъусу кёкге къонмаз.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
