Аудио :: Аудио:: Чам хапарла

Эки къатын алгъан – эки ташны ортасына башын салгъан.
Айран тёгюлсе, джугъусу къалыр.
Накъырда – кертини келечиси.
Чомартха Тейри да борчлуду.
Душманны тышы – акъ, ичи – къара.
Джаш болсун, къыз болсун, акъылы, саны тюз болсун.
Къатыны харакетли болса, эри къымсыз болур.
Болджал ишни бёрю ашар.
Айырылгъанланы айю ашар, бёлюннгенлени бёрю ашар.
Биреуню эскиси биреуге джангы болмайды.
Адам къыйынлыгъын кёлтюрюр, зауукълугъун кёлтюрмез.
Биреуню тёрюнден, кесинги эшик артынг игиди.
Билеги кючлю, бирни джыгъар, билими кючлю, мингни джыгъар.
Сабий болмагъан джерде, мёлек болмаз.
Байлыкъ болгъан джерде, тынчлыкъ джокъду.
Махтаннган къыз, тойда джукълар.
Аш иеси бла татлыды.
Аджаллыгъа окъсуз шкок атылыр.
Битмегеннге сакъал – танг.
Билмейме деген – бир сёз
Келгинчи, къонакъ уялыр, келгенден сора, къонакъбай уялыр.
Керилген да, ургъан кибикди.
Рысхы – сют юсюнде кёмюк кибикди.
Зарда марда джокъ.
Къралынгы – душмандан, башынгы от бла суудан сакъла.
Къызгъанчдан ычхыныр, мухардан ычхынмаз.
Тойгъандан сора, ашны сёкме.
Джарлы эскисин джамаса, къууаныр.
Бёрю да ач къалмасын, эчки да ашалмасын.
Айранын берсенг, челегин да къызгъанма.
Акъыллы – эл иеси, тели – эл баласы.
Ёгюзню мюйюзлери ауурлукъ этмейдиле.
Шапа кёб болса, аш татымсыз болур.
Бойнуму джети джерден кессенг да, мен ол ишни этеллик тюлме.
Этим кетсе да, сюегим къалыр.
Терслик кетер, тюзлюк джетер.
Тели турса – той бузар.
Къонакъ болсанг, ийнакъ бол.
Ишге юренсин къоллары, халкъ бла болсун джоллары.
Халкъны юйю – туугъан джери.
Рысхы – насыбха къор.
Джырына кёре эжиую.
Билим – акъылны чырагъы.
Керти сёзге тёре джокъ.
Асхат ашлыкъ сата, юйдегиси ачдан къата.
Джашда акъыл джокъ, къартда къарыу джокъ.
Атынг аманнга чыкъгъандан эсе, джанынг тамагъынгдан чыкъсын.
Терек ауса, отунчу – кёб.
Эки элинги тыйсанг, джети элде махталырса.
Ёмюрлюк шохлукъну джел элтмез.

Логин:	Регистрация

Пароль:	Забыли пароль?

Запомнить меня

Аудио

Чам хапарла

Скачать

Адрес