Песен: 5 Создан:
06.05.2015 Обновлен:
06.05.2015
| 24 Июня | 2026 года |
Навигация
- Биреуге аманлыкъ этиб, кесинге игилик табмазса.
- Кёпюр салгъан кеси ётер, уру къазгъан кеси кетер.
- Накъырда – кертини келечиси.
- Тура эдим джата, къайдан чыкъды хата?
- Акъыл къартда, джашда тюйюлдю – башдады.
- Къызгъанчдан ычхыныр, мухардан ычхынмаз.
- Къыйынлы джети элни къайгъысын этер.
- Ата Джуртуму башы болмасам да, босагъасында ташы болайым.
- Тамбла алтындан бюгюн багъыр ашхы.
- Ишни ахырын ойламай, аллын башлама.
- Азыгъы аз, алгъа къабар, аты аман, алгъа чабар.
- Къарыусузгъа кюлме, онгсузгъа тийме.
- Къонакъ болсанг, ийнакъ бол.
- Иги адамны бир сёзю эки болмаз.
- Тойгъан антын унутур.
- Кесинге джетмегенни, кёб сёлешме.
- Юй ишлеген балта эшикде къалыр.
- Бал – татлы, балдан да бала – татлы.
- Джашлыкъ этмеген, башлыкъ этмез.
- Тил джюрекге джол ишлейди.
- Акъдан къара болмаз.
- Чабакъ башындан чирийди.
- Кёбге таш атма.
- Харам къарнашдан, халал тенг ашхы.
- Байма, деб да, къууанма, джарлыма, деб да, джылама.
- Ёзденликни джайгъан – джокълукъ.
- Миллетни бойну – базыкъ, аны бла кюрешген – джазыкъ.
- Къобан да къуру да къобханлай турмайды, адам да къуру да патчахлай турмайды.
- Алма терегинден кери кетмез.
- Эри аманны, къатыны – аман.
- Уллу суу бла уллу ауруудан башынгы сакъла.
- Тойгъан джерге джети къайт.
- Ишин билген, аны сыйын чыгъарады.
- Шекер бла туз – бир болмаз, ушамагъан – юй болмаз.
- Тилде сюек болмаса да, сюек сындырыр.
- Сакъламагъан затынга джолукъсанг, не бек къууанаса, не бек ачыйса.
- Чомартха Тейри да борчлуду.
- Намысы болмагъанны, сыйы болмаз.
- Кёлю джокъну – джолу джокъ.
- Ишленмеклик адамлыкъды.
- Сёлеш деб шай берген, тохта деб, сом берген.
- Сёз садакъдан кючлюдю.
- Сабий болмагъан джерде, мёлек болмаз.
- Тёгюлген тюгел джыйылмайды.
- Адам боллукъ, атламындан белгили болур.
- Джеринден айырылгъан – джети джылар, джуртундан айырылгъан – ёлгюнчю джылар.
- Тенги кёбню джау алмаз, акъылы кёбню дау алмаз.
- Соргъан айыб тюлдю, билмеген айыбды.
- Бермеген къол, алмайды.
- Минг тенг да азды, бир джау да кёбдю.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
