Аудио :: Аудио:: Прислушайся к словам

Юре билмеген ит, къонакъ келтирир.
Кёпюр салгъан кеси ётер, уру къазгъан кеси кетер.
Бюгюн дуния кибик, тамбла ахыратды.
Зар адамны насыбы болмаз.
Ариуну – ауруу кёб.
Акъыллы эркиши атын махтар, акъылсыз эркиши къатынын махтар.
Адам къыйынлыгъын кёлтюрюр, зауукълугъун кёлтюрмез.
Аман адам этегингден тутса, кес да къач.
Чыбыкълыкъда бюгюлмеген, къазыкълыкъда бюгюлмей эди.
Ашлыкъны арба юйге келтирир, чана базаргъа элтир.
Аз сёлешген, къайгъысыз турур.
Биреу къой излей, биреу той излей.
Ач келгенни – тойдур, кеч келгенни – къондур.
Тамбла алтындан бюгюн багъыр ашхы.
Уллу сёлешме да, уллу къаб.
Сыфатында болмагъаны, суратында болмаз.
Адамны сыфатына къарама, сёзюне къара.
Кёлсюзден сёзсюз тууар.
Итли къонакъ джарашмаз.
Кёзю сокъурдан – къоркъма, кёлю сокъурдан – къоркъ.
Бек анасы джыламаз.
Экеу тутушса, биреу джыгъылыр.
Къарын къуру болса, джюрек уру болур.
Эшекни не къадар тюйсенг да, ат болмаз.
Мадар болса, къадар болур.
Джырына кёре эжиую.
Джюрек кёзден алгъа кёрюр.
Мухарны эси – ашарыкъда.
Аман эсирсе, юйюн ояр.
От кюйдюрген, сау болса да, тот кюйдюрген, сау болмаз.
Къонакъ кёб келюучю юйню, къазаны отдан тюшмез.
Ариу сёзде ауруу джокъ.
Къонакъны къачан кетерин сорма, къачан келлигин сор.
Рысхы джалгъанды: келген да этер, кетген да этер.
Кёл ашады да, кеси ашады.
Тёрде – темир таякълы, къаяда – чыпчыкъ аякълы.
Ёлген ийнек сютлю болур.
Ёлюр джаннга, ёкюл джокъ.
Билим къая тешер.
Сакъламагъан затынга джолукъсанг, не бек къууанаса, не бек ачыйса.
Аякъларынгы джууургъанынга кёре узат.
Кенгеш болса, уруш болмаз.
Тенгинг джокъ эсе – изле, бар эсе – сакъла!
Джолда аягъынга сакъ бол, ушакъда тилинге сакъ бол.
Азыгъы аз, алгъа къабар, аты аман, алгъа чабар.
Хунаны тюбюн къазсанг, юсюнге ауар.
Къайгъы тюбю – тенгиз.
«Ма», - дегенни билмесенг, «бер», - дегенни билмезсе.
Татлы тилде – сёз ариу, чемер къолда – иш ариу.
Ата джурт – алтын бешик.

Логин:	Регистрация

Пароль:	Забыли пароль?

Запомнить меня

Аудио

Прислушайся к словам

Скачать

Адрес