Песен: 24 Создан:
25.07.2015 Обновлен:
10.06.2016
| 24 Июня | 2026 года |
Навигация
- Эри аманны, къатыны – аман.
- Танг атмайма десе да, кюн къоярыкъ тюйюлдю.
- Аууз сакълагъан – джан сакълар.
- Битмегеннге сакъал – танг.
- Тау башында, тау болмаз, джангыз терек, бау болмаз.
- Джарлы джети элни сёзюн этер.
- Тенгни тенглиги джашай барсанг билинир.
- Чарсда алчыны эл кёреди.
- Чабакъсыз кёлге къармакъ салгъанлыкъгъа, чабакъ тутмазса.
- Босагъа таш юйге кирмей эди, тыбыр таш эшикге чыкъмай эди.
- Эр сокъур болсун, къатын тилсиз болсун.
- Къонакъ хазыр болгъанлыкъгъа, къонакъбай хазыр тюлдю.
- Ана къойну – балагъа джандет.
- Къралынгы – душмандан, башынгы от бла суудан сакъла.
- Кёпюр салгъан кеси ётер, уру къазгъан кеси кетер.
- Ашаса, ашамаса да, бёрюню ауузу – къан.
- Эки къатын алгъан – эки ташны ортасына башын салгъан.
- Юй ишлеген балта эшикде къалыр.
- Эркишини аманы тиширыуну джылатыр.
- Айтхан – тынч, этген – къыйын.
- Байлыкъ тауусулур, билим тауусулмаз.
- Атынг аманнга чыкъгъандан эсе, джанынг тамагъынгдан чыкъсын.
- Адеб этмеген, адеб кёрмез.
- Чабакъ башындан чирийди.
- Адамны джюреги нени кёрюрге сюйсе, кёзю да аны кёрюрге ёч болады.
- Къарнынг къанлынга кийирир.
- Окъугъан озар, окъумагъан тозар.
- Артына баргъанны, къатына барма.
- Кёб джашагъан – кёб билир.
- Эски джаугъа ышанма.
- Къатыны харакетли болса, эри къымсыз болур.
- Ашхы адам – халкъ байлыгъы, ашхы джер – джашау байлыгъы.
- Алим болгъандан эсе, адам болгъан къыйынды.
- Къайгъы тюбю – тенгиз.
- Къарнынг ауруса, ауузунгу тый
- Тёрени джагъы джокъ.
- Тели турса – той бузар.
- Рысхы джалгъанды: келген да этер, кетген да этер.
- Мал кёб болса, джууукъ кёб болур.
- Таш бла ургъанны, аш бла ур.
- Адам къыйынлыгъын кёлтюрюр, зауукълугъун кёлтюрмез.
- Бетинги сатма, малынгы сат.
- Кеси юйюмде мен да ханма.
- Адам сёзюнден белгили.
- Аш иеси бла татлыды.
- Къызны минг тилер, бир алыр.
- Иги болса, тамадама – махтау, аман болса, меннге – айыб.
- Иесиз малны бёрю ашар.
- Чакъырылмагъан джерге барма, чакъырылгъан джерден къалма.
- Орундукъ тюбюнде атылсам да, орта джиликме, де да айлан.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
