Аудио :: Аудио:: Чу-чу чуала

Ёксюзню тилеги къабыл болур.
Таугъа чыгъаллыкъ эсенг, тюзде къалма.
Ханнга да келеди хариблик.
Насыб бютеу халкъны юлюшюдю.
Ач къалгъандан, кеч къалгъан къолай.
Ашатыргъа иш – ашхы, ишлетирге аш – ашхы.
Ата Джуртча джер болмаз, туугъан элча эл болмаз.
Юре билмеген ит, къонакъ келтирир.
Ашын ашагъанынгы, башын да сыйла.
Рысхы – насыбха къор.
Дуния малгъа сатылма, кесингден телиге къатылма.
Адамны сабийин сюйген джюреги, бычакъча, джитиди.
Хантына кёре тузу, юйюне кёре къызы.
Джюрекге ариу – кёзге да ариу.
Кёб джат да, бек чаб.
Алтыда кюлмеген, алтмышда кюлмез.
Ашха уста, юйюнде болсун
Бал ашаргъа сюе эсенг, чибин ургъаннга тёз.
Дженгил джетерикме деб, узун джолну къоюб, къысхасын барма.
Айтхан – тынч, этген – къыйын.
Уллу къашыкъ эрин джыртар.
Юйлю уругъа ит чабмаз.
Экеулен сёлеше тура эселе, орталарына барыб кирме.
Чёбню кёлтюрсенг, тюбюнден сёз чыгъар.
Хаухну атма, ёнгкючню сатма.
Ашаса, ашамаса да, бёрюню ауузу – къан.
Рысхысына кёре, джаш ёсер, къышлыгъына кёре, мал ёсер.
Атлыны кёрсе, джаяуну буту талыр.
Ач отунчуну ачыуу – бурнунда.
Тура эдим джата, къайдан чыкъды хата?
Джыйырма къойну юч джыйырма эбзе кюте эди.
Билим къая тешер.
Аз айтсам, кёб ангылагъыз.
Ач бёрюге мекям джокъ.
Тёрдеги кюлсе, эшикдеги ышарыр.
Башы ишлегенни, ауузу да ишлер.
Джарлы эскисин джамаса, къууаныр.
Аманнга игилик этсенг, юйюнге сау бармазса.
Къазанны башы ачыкъ болса, итге уят керекди.
Кийиминг бла танылма, адамлыкъ бла таныл.
Къызын тута билмеген, тул этер, джашын тута билмеген, къул этер.
Чомарт къолда мал къалмаз.
Тилде сюек болмаса да, сюек сындырыр.
Ургъан суудан башынгы сакъла.
Ашарыкъда сайлагъаннга – чий гырджын.
Ёгюзню мюйюзлери ауурлукъ этмейдиле.
Къарны аманнга къазан такъдырма, къолу аманнга от джакъдырма.
Халкъны юйю – туугъан джери.
Къая джолда джортма, ачыкъ сёзден къоркъма.
Чабакъгъа акъыл, табагъа тюшсе келеди.

Логин:	Регистрация

Пароль:	Забыли пароль?

Запомнить меня

Аудио

Чу-чу чуала

Скачать

Адрес