Песен: 16 Создан:
30.10.2015 Обновлен:
30.10.2015
| 20 Апреля | 2026 года |
Навигация
- Адамны аты башхача, акъылы да башхады.
- Урунуу – насыбны анасы.
- Адамны джюреги нени кёрюрге сюйсе, кёзю да аны кёрюрге ёч болады.
- Зарда марда джокъ.
- Къар – келтирди, суу – элтди.
- Ышармагъан – кюлмез, кюлмеген – къууанчны билмез.
- Окъуусуз билим – джокъ, билимсиз кюнюнг – джокъ.
- Биреуге кёлтюрген таягъынг, кесинги башынга урур.
- Мал кёб болса, джууукъ кёб болур.
- Билим къая тешер.
- Арба аугъандан сора, джол кёргюзтюучю кёб болур.
- Аджашханны ызындагъы кёреди, джангылгъанны джанындагъы биледи.
- Кёб къычыргъандан – къоркъма, тынч олтургъандан – къоркъ.
- Намыс болмагъан джерде, насыб болмаз.
- Адамгъа аман кюн соруб келмейди.
- Айырылгъанланы айю ашар, бёлюннгенлени бёрю ашар.
- Уллу атлама – абынырса, уллу къабма – къарылырса.
- Биреу къой излей, биреу той излей.
- Мухар, кеси тойса да, кёзю тоймаз.
- Кимни – тили, тиши онглу, кимни – къолу, иши онглу.
- Ашатыргъа иш – ашхы, ишлетирге аш – ашхы.
- Чакъырылмай келген къонакъ сыйланмай кетер.
- Айтылгъан сёз ызына къайтмаз.
- Керилген да, ургъан кибикди.
- Этим кетсе да, сюегим къалыр.
- Байны къызы баймакъ болса да, юйде къалмаз!
- Акъыл аздырмаз, билим тоздурмаз.
- Ашаса, ашамаса да, бёрюню ауузу – къан.
- Тели турса – той бузар.
- Адамны сыфатына къарама, сёзюне къара.
- Ёгюзню мюйюзюнден тутадыла, адамны сёзюнден тутадыла.
- Биреуню эскиси биреуге джангы болмайды.
- Атлыны ашхысы, ат тизгининден билинир
- Нафысынгы айтханын этме, намысынгы айтханын эт.
- Башда акъыл болмаса, эки аякъгъа кюч джетер.
- Ачны эсинде – аш.
- Къонакъ аман болса, къонакъбай джунчур
- Ашарыкъда сайлагъаннга – чий гырджын.
- Игини сыйлагъан адетди.
- Хар сёзню орну барды.
- Биреуге аманлыкъ этиб, кесинге игилик табмазса.
- Акъдан къара болмаз.
- Къатыны харакетли болса, эри къымсыз болур.
- Сабыр джетер муратха, сабырсыз къалыр уятха.
- Гырджын – тепсини тамадасы.
- Ач къалгъандан, кеч къалгъан къолай.
- Эски джаугъа ышанма.
- Тил – миллетни джаны.
- Билген билмегенни юретген адетди.
- Ач – эснер, ат – кишнер.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
