Песен: 69 Создан:
12.12.2015 Обновлен:
10.06.2016
| 8 Сентября | 2026 года |
Навигация
- Чалманны аллы къалай башланса, арты да алай барады.
- Адеб базарда сатылмаз.
- Кёбге таш атма.
- Бёрю да ач къалмасын, эчки да ашалмасын.
- Джаз бир кюнню джатсанг, къыш талай кюнню абынырса.
- Акъыл бла адеб эгизледиле.
- Кёзню ачылгъаны – иги, ауузну джабылгъаны – иги.
- Алгъанда – джууукъ, бергенде – джау.
- Ата – билек, ана – джюрек!
- Ётген ёмюр – акъгъан суу.
- Къонакъ хазыр болгъанлыкъгъа, къонакъбай хазыр тюлдю.
- Таула не мийик болсала да, аууш табылыр.
- Кёбню кёрген – кёб билир.
- Джарлы тюеге минсе да, ит къабар.
- Харам къарнашдан, халал тенг ашхы.
- Къыз чыгъаргъан – къызыл къымжа.
- Аш иеси бла татлыды.
- Къартха ушагъан джаш – акъыллы, джашха ушагъан къарт – тели.
- Тынгылагъан тынгы бузар.
- Тёгюлген тюгел джыйылмайды.
- Гугук кесини атын айтыб къычыргъанча, мен, мен деб нек тураса?
- Ишни ахырын ойламай, аллын башлама.
- Къартны сыйын кёрмеген, къартлыгъында сыйлы болмаз.
- Накъырда – кертини келечиси.
- Джетген къыз джерли эшекни танымаз.
- Билеги кючлю, бирни джыгъар, билими кючлю, мингни джыгъар.
- Ашда уялгъан – мухар, ишде уялгъан – хомух.
- Къарнынг ауруса, ауузунгу тый
- Сууда джау джокъ, кёб сёзде магъана джокъ.
- Башда акъыл болмаса, эки аякъгъа кюч джетер.
- Байма, деб да, къууанма, джарлыма, деб да, джылама.
- Джюрек кёзден алгъа кёрюр.
- Уллу суу бла уллу ауруудан башынгы сакъла.
- Кесине гебен этелмеген, биреуге черен эте эди.
- Тамырсыз терекге таянма – джыгъылырса.
- Ата – баланы уясы.
- Арба аугъандан сора, джол кёргюзтюучю кёб болур.
- Кёб къычыргъандан – къоркъма, тынч олтургъандан – къоркъ.
- Ач да бол, токъ да бол – намысынга бек бол.
- Керек ташны ауурлугъу джокъ.
- Алма терегинден кери кетмез.
- Керти сёзге тёре джокъ.
- Тура эдим джата, къайдан чыкъды хата?
- Ишлегенде эринме, ишде чолакъ кёрюнме.
- Илму – джашауну джолу.
- Агъач халкъгъа алтынды, иссиликге салкъынды.
- Аман хансны – урлугъу кёб.
- Сакъламагъан затынга джолукъсанг, не бек къууанаса, не бек ачыйса.
- Къайтырыкъ эшигинги, къаты уруб чыкъма.
- Кёрмегеннге кебек – танг, битмегеннге сакъал – танг.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
