Аудио :: Аудио:: Жаным, жырым да

Джашны джигитлиги сорулур, къызны джигерлиги сорулур.
Терслик кетер, тюзлюк джетер.
Адамны сабийин сюйген джюреги, бычакъча, джитиди.
Кюн кёрмеген, кюн кёрсе, кюндюз чыракъ джандырыр.
Джигер – джаннга къыйынлыкъ.
Кёкдеги болмаса, джердегин кёрмейди.
Джылыгъа джылан илешир.
Рысхысына кёре, джаш ёсер, къышлыгъына кёре, мал ёсер.
Хар зат кесини орнуна иги.
Къызны минг тилер, бир алыр.
Адам къыйынлыгъын кёлтюрюр, зауукълугъун кёлтюрмез.
Зарда марда джокъ.
Сабийликде юретмесенг, уллу болса – тюзелмез.
Сёлеш деб шай берген, тохта деб, сом берген.
Аманнга алтын чыдамаз.
Ач бёрюге мекям джокъ.
Намысы джокъну – дуниясы джокъ.
Игилик игилик бла сингдирилиучю затды.
Айырылмаз джууугъунга, унутмаз сёзню айтма.
Чалманны аллы къалай башланса, арты да алай барады.
Къайгъыны сюйген, къайгъы табар.
Байны къызы баймакъ болса да, юйде къалмаз!
Билим къая тешер.
Баш – акъыл ючюн, акъылман – халкъ ючюн.
Ашаса, ашамаса да, бёрюню ауузу – къан.
Гырджын – тепсини тамадасы.
Арбаз къынгырды да, ийнек сауалмайма.
Чомарт бергенин айтмаз.
Эли джокъну – кёлю джокъ.
Бойнуму джети джерден кессенг да, мен ол ишни этеллик тюлме.
Азыкълы ат арымаз, къатыны аман джарымаз.
Игини сыйлагъан адетди.
Ауурну тюбю бла, дженгилни башы бла джюрюген.
Сёз – кюмюш, джыр – алтын.
Адам къаллай бир ишленмесе, аллай бир кесин уллу кёреди.
Ачны эсинде – аш.
Кёпюр салгъан кеси ётер, уру къазгъан кеси кетер.
Къызгъанчдан ычхыныр, мухардан ычхынмаз.
Биреуню эскиси биреуге джангы болмайды.
Таукелге нюр джауар.
Джерни букъусу кёкге къонмаз.
Ишге юренсин къоллары, халкъ бла болсун джоллары.
Ишлегенден, къарагъан уста.
Къар – келтирди, суу – элтди.
Агъач – джерни чырайы, кийим – эрни чырайы.
Эринчекни аурууу – кёб.
Тас болгъан бычакъны сабы – алтын.
Къазанда болса, чолпугъа чыгъар.
Атынг аманнга чыкъгъандан эсе, джанынг тамагъынгдан чыкъсын.
Кимни – тили, тиши онглу, кимни – къолу, иши онглу.

Логин:	Регистрация

Пароль:	Забыли пароль?

Запомнить меня

Аудио

Жаным, жырым да - сизни

Скачать

Адрес