Аудио :: Аудио:: Джолоучу (назмула бла хапарла)

Миллетни бойну – базыкъ, аны бла кюрешген – джазыкъ.
Тынгылагъан тынгы бузар.
Аууз сакълагъан – джан сакълар.
Хата – гитчеден.
Ауузу бла къуш тута айланады.
Джарлыны эшигин махтагъан джабар.
Аджаллыгъа окъсуз шкок атылыр.
Мураты болгъанны джюрек тебюую башхады.
Босагъагъа джууукъ орун болса, ашыгъыб тёрге озма.
Къууут – джелге, берне – бошха.
Тик ёргени, тик энгишгеси да болады.
Адамны артындан къара сабан сюрме.
Ётюрюкню башын керти кесер.
Окъуу – билимни ачхычы, окъуу – дунияны бачхычы.
Ариу – кёзге, акъыл – джюрекге.
Ёгюзню мюйюзлери ауурлукъ этмейдиле.
Ата джурт – алтын бешик.
Таукел тауну аудурур.
Тилчи бир сагъатха айлыкъ хата этер.
Чабакъ башындан чирийди.
Чалманны аллы къалай башланса, арты да алай барады.
Эки къатын алгъан – эки ташны ортасына башын салгъан.
Тамбла алтындан бюгюн багъыр ашхы.
Соргъан айыб тюлдю, билмеген айыбды.
Бал – татлы, балдан да бала – татлы.
Акъыл сабырлыкъ берир.
Тамчы таш тешер.
Адамны аты башхача, акъылы да башхады.
Итли къонакъ джарашмаз.
Хар адамгъа кеси миннген тау кибик.
Илму – джашауну джолу.
Бетинги сатма, малынгы сат.
Аш хазыр болса, иш харам болур.
Кёзюнде тереги болгъан, чёбю болгъаннга кюле эди.
Гыдай эчки суугъа къараб, мюйюзле кёрмесе, джашма алкъын, дегенди.
Атынг аманнга чыкъгъандан эсе, джанынг тамагъынгдан чыкъсын.
Кюн – узун, ёмюр – къысха.
Аллахха ийнаннган кишини, Аллах онгдурур ишин.
Къартны бурнун сюрт да, оноугъа тут.
Чакъырылгъанны аты, чакъырылмагъанны багъасы болур.
Чакъырылмай келген къонакъ сыйланмай кетер.
Бозанг болмагъан джерге, къалагъынгы сукъма.
Къазанны башы ачыкъ болса, итге уят керекди.
Ичимден чыкъды хата, къайры барайым сата?
Ёгюзню мюйюзюнден тутадыла, адамны сёзюнден тутадыла.
Иги – алгъыш этер, аман – къаргъыш этер.
Къонакъ аз олтурур, кёб сынар.
Къонакъ болсанг, ийнакъ бол.
Харам къарнашдан, халал тенг ашхы.
Тил – кесген бычакъ, сёз – атылгъан окъ.

Логин:	Регистрация

Пароль:	Забыли пароль?

Запомнить меня

Аудио

Джолоучу (назмула бла хапарла)

Скачать

Адрес