Песен: 33 Создан:
26.02.2016 Обновлен:
26.02.2016
| 20 Апреля | 2026 года |
Навигация
- Насыблы элин сюер, насыбсыз кесин сюер.
- Тойгъа барсанг, тоюб бар, эски тонунгу къоюб бар.
- Арпа, будай – ащды, алтын, кюмюш а – ташды.
- Биреуге аманлыкъ этиб, кесинге игилик табмазса.
- Джарлыны тону джаз битер.
- Къыз келсе, джумуш эте келеди, къатын келсе, ушакъ эте келеди.
- Кёл – къызбай, къол – батыр.
- Аллахха ийнаннган кишини, Аллах онгдурур ишин.
- Тойгъан джерден туугъан джер игиди.
- Биреуге кёлтюрген таягъынг, кесинги башынга урур.
- Акъыл аздырмаз, билим тоздурмаз.
- Аш кетер да бет къалыр.
- Мал ёлсе, сюек къалыр, адам ёлсе, иши къалыр.
- Аманны тукъумуна къарама, игини тукъумун сорма.
- Дженгил джетерикме деб, узун джолну къоюб, къысхасын барма.
- Тешик этген тынчды, аны джамагъан къыйынды.
- Олтуруб кёрюнмей эди да, ёрге туруб кёрюне эди.
- Къонагъы джокъну – шоху джокъ.
- Нарт сёз – тилни бети.
- Чакъырылмай келген къонакъ сыйланмай кетер.
- Къонакъ болсанг, ийнакъ бол.
- Сескекли кесин билдирир.
- Къарын къуру болса, джюрек уру болур.
- Адеб базарда сатылмаз.
- Джылар джаш, атасыны сакъалы бла ойнар.
- Тойгъанлыкъ къойгъа джарашады.
- Таугъа чыгъаллыкъ эсенг, тюзде къалма.
- Хар адамгъа кеси миннген тау кибик.
- Ётюрюкню башын керти кесер.
- Къолунгдан къуймакъ ашатсанг да, атаны борчундан къутулмазса.
- Ариу сёз аурууунгу алыр.
- Гыдай эчки суугъа къараб, мюйюзле кёрмесе, джашма алкъын, дегенди.
- Рысхы – насыбха къор.
- Юйюнг бла джау болгъандан эсе, элинг бла джау бол.
- Эки итни арасына сюек атма, эки адамны арасында сёз чыгъарма.
- Аман къатын алгъан, арыр, иги къатын алгъан джарыр.
- Кесине оноу эте билмеген, халкъына да эте билмез.
- Кёлю джокъну – джолу джокъ.
- Тилчи бир сагъатха айлыкъ хата этер.
- Хар ишни да аллы къыйынды.
- Уллу сёлешме да, уллу къаб.
- Айран ичген – къутулду, джугъусун джалагъан – тутулду.
- Ач бёрюге мекям джокъ.
- Къолу уллу – асыу, аягъы уллу – джарсыу.
- Шекер бла туз – бир болмаз, ушамагъан – юй болмаз.
- Зар адамны насыбы болмаз.
- Къарт айтханны этмеген, къартаймаз.
- Ишлегенде эринме, ишде чолакъ кёрюнме.
- Нафысынгы айтханын этме, намысынгы айтханын эт.
- Абынмазлыкъ аякъ джокъ, джангылмазлыкъ джаякъ джокъ.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
