Аудио :: Аудио:: Кюн джаун

Айранын берсенг, челегин да къызгъанма.
Ишлегенде эринме, ишде чолакъ кёрюнме.
Ашда уялгъан – мухар, ишде уялгъан – хомух.
Сёз къанатсыз учар.
Тойгъанлыкъ къойгъа джарашады.
Ариуну – ауруу кёб.
Ач отунчуну ачыуу – бурнунда.
Эркишини аманы тиширыуну джылатыр.
Аман адам этегингден тутса, кес да къач.
Бир абыннган – минг сюрюнюр.
Таякъ этден ётер, тил сюекден ётер.
Ашына кёре табагъы, балына кёре къалагъы.
Сабийликде юретмесенг, уллу болса – тюзелмез.
Айтылгъан сёз ызына къайтмаз.
Тешигини къатында, чычхан да батыр болур.
Намыс сатылыб алынмайды.
Ачны эсинде – аш.
Эм уллу байлыкъ – джан саулукъ.
Шайтан алдады, тюзлюк къаргъады.
Ишге юренсин къоллары, халкъ бла болсун джоллары.
Къарт болгъан джерде, берекет болур, сабий болгъан джерде, оюн болур.
Аман киши кеси юйюнде – къонакъ.
Ачыу алгъа келсе, акъыл артха къалады.
Байлыкъдан саулукъ ашхыды.
Тай асырагъан, атха минер.
Борчунг бар эсе, хурджунунга ойлаб узал.
Баш болса, бёрк табылыр.
Ёзденликни джайгъан – джокълукъ.
От этилмеген джерден тютюн чыкъмайды.
Къарт айтханны этмеген, къартаймаз.
Келинни – келгинчи, бёркню кийгинчи кёр.
Чакъырылмагъан къонакъ тёрге атламаз.
Джарлы джети элни сёзюн этер.
Ашхы – джыяр, аман – джояр.
Джауумдан сора, кюн кюйдюрюр, ётюрюкден сора, айыб кюйдюрюр.
Атынг аманнга чыкъгъандан эсе, джанынг тамагъынгдан чыкъсын.
Адам бла мюлк юлешмеген эсенг, ол адамны билиб бошагъанма, деб кесинги алдама.
Тёрдеги кюлсе, эшикдеги ышарыр.
Байны оноуу, джарлыгъа джарамаз.
Ханы къызы буюгъа-буюгъа киштик болду.
Билимсиз иш бармаз.
Махтаннган къыз, тойда джукълар.
Биреу ашаб къутулур, биреу джалаб тутулур.
Ашхы болсанг, атынг чыгъар, аман болсанг, джанынг чыгъар.
Суугъа – таянма, джаугъа – ийнанма.
Эшекни не къадар тюйсенг да, ат болмаз.
Ётген ёмюр – акъгъан суу.
Джырына кёре эжиую.
Таш бла ургъанны, аш бла ур.
Ата – баланы уясы.

Логин:	Регистрация

Пароль:	Забыли пароль?

Запомнить меня

Аудио

Кюн джаун

Скачать

Адрес