Песен: 23 Создан:
20.04.2016 Обновлен:
20.04.2016
| 10 Сентября | 2026 года |
Навигация
- От кюйдюрген, сау болса да, тот кюйдюрген, сау болмаз.
- Иги болса, тамадама – махтау, аман болса, меннге – айыб.
- Тенгинг джокъ эсе – изле, бар эсе – сакъла!
- Акъылсызны джууукъгъа алма, акъыллыны кенгнге салма.
- Джашынгы кесинг юретмесенг, джашау юретир.
- Бети – къучакълар, джюреги – бычакълар.
- Термилгенинги табмазса, кюлгенинге тюберсе.
- Кесинге джетмегенни, кёб сёлешме.
- Адамны адамлыгъы къыйынлыкъда айгъакъланады.
- Чомартны къолун джокълукъ байлар.
- Ата Джуртун танымагъан, атасын да танымаз.
- Борчунг бар эсе, хурджунунга ойлаб узал.
- Ашхы адам – халкъ байлыгъы, ашхы джер – джашау байлыгъы.
- Ёлген ийнек сютлю болур.
- Азыкъ аз болса, эртде орун сал.
- Къумурсхала джыйылсала, пилни да джыгъадыла.
- Эллинг бла джау болсанг да, юйюнг бла джау болма.
- Аманны къуугъан, аманлыкъ табар.
- Кёз – сюйген джерде, къол – ауругъан джерде.
- Тёгюлген тюгел джыйылмайды.
- Ариу сёз – джаннга азыкъ, аман сёз – башха къазыкъ.
- Эртде тургъан джылкъычыны эркек аты тай табар.
- Ачны эсинде – аш.
- Джол бла сёзню къыйыры джокъ.
- Хар сёзню орну барды.
- Ач да бол, токъ да бол – намысынга бек бол.
- Бастасын ашагъан, хантусун да ичер.
- Ёлген аслан – сау чычхан.
- Атлыны ашхысы, ат тизгининден билинир
- Ишлерге уял да, ашаргъа табма.
- Ашда – бёрю, ишде – ёлю.
- Чёбню кёлтюрсенг, тюбюнден сёз чыгъар.
- Зар адамны насыбы болмаз.
- Таякъ этден ётер, тил сюекден ётер.
- Ашхы болсанг, атынг чыгъар, аман болсанг, джанынг чыгъар.
- Экеу тутушса, биреу джыгъылыр.
- Аманны эки битли тону болур, бирин сеннге кийдирир, бирин кеси киер.
- Бетинги сатма, малынгы сат.
- Тойгъандан сора, ашны сёкме.
- Башсыз урчукъ тюзюне айланмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къарнынг къанлынга кийирир.
- Къыз келсе, джумуш эте келеди, къатын келсе, ушакъ эте келеди.
- Минг тенг да азды, бир джау да кёбдю.
- Босагъа таш юйге кирмей эди, тыбыр таш эшикге чыкъмай эди.
- Тешигини къатында, чычхан да батыр болур.
- Айтылгъан сёз ызына къайтмаз.
- Ёгюзню мюйюзлери ауурлукъ этмейдиле.
- Кёб ант этген, кёб ётюрюк айтыр.
- Къартны бурнун сюрт да, оноугъа тут.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
