Аудио :: Аудио:: Къара кюбюр

Келинни – келгинчи, бёркню кийгинчи кёр.
Азыкъ аз болса, эртде орун сал.
Ургъан суудан башынгы сакъла.
Ёлген эшек бёрюден къоркъмайды.
Ариуну – ауруу кёб.
Тойгъандан сора, ашны сёкме.
Кийимни бичсенг, кенг бич, тар этген къыйын тюлдю.
Джетген къыз джерли эшекни танымаз.
Дуния малгъа сатылма, кесингден телиге къатылма.
Тамчы таш тешер.
Нарт сёз къарт болмаз.
Зар адамны насыбы болмаз.
Ёлмесенг да, къарт дамы болмазса?
Ашарыкъда сайлагъаннга – чий гырджын.
Джукъу тёшек сайламайды.
Адам бла мюлк юлешмеген эсенг, ол адамны билиб бошагъанма, деб кесинги алдама.
Аман адамны тепсинге олтуртсанг, къызынгы тилер.
Огъурлуну сёзю – суу, огъурсузну сёзю – уу.
Тау башында, тау болмаз, джангыз терек, бау болмаз.
Бек ашыкъгъан меннге джетсин, дегенди аракъы.
Кёб ант этген, кёб ётюрюк айтыр.
Татлы сёз – балдан татлы.
Иги бла джюрюсенг, джетерсе муратынга, аман бла джюрюсенг, къалырса уятха.
Ойнай билмеген, уруб къачар.
Ашда – бёрю, ишде – ёлю.
Арпа, будай – ащды, алтын, кюмюш а – ташды.
Ачлыкъ отха секиртир.
Ачны эсинде – аш.
Суугъа – чабакъ, къаягъа – ыргъакъ.
Сангырау къулакъ эл бузар.
Аш кетер да бет къалыр.
Байлыкъ келсе, акъыл кетер.
Биреуге кёлтюрген таягъынг, кесинги башынга урур.
Алма терегинден кери кетмез.
Къарыусузгъа кюлме, онгсузгъа тийме.
Чомартны къолун джокълукъ байлар.
Азыкълы ат арымаз, къатыны аман джарымаз.
Ёлюк кебинсиз къалмаз.
Джюрекден джюрекге джол барды.
Тыш элде солтан болгъандан эсе, кесинги элде олтан болгъан игиди!
Гыдай эчки суугъа къараб, мюйюзле кёрмесе, джашма алкъын, дегенди.
Этим кетсе да, сюегим къалыр.
Тенги кёбню джау алмаз, акъылы кёбню дау алмаз.
Сагъыш – къартлыкъгъа сюйюмчю.
Аманны эки битли тону болур, бирин сеннге кийдирир, бирин кеси киер.
Хар адамгъа кеси миннген тау кибик.
Къарнынг тойгъунчу аша да, белинг талгъынчы ишле.
Ашхылыкъ джерде джатмайды, аманлыкъ суугъа батмайды.
Джылкъыдан – ат чыгъар, тукъумдан – джаш чыгъар.
Малны кют, джерни тюрт.

Логин:	Регистрация

Пароль:	Забыли пароль?

Запомнить меня

Аудио

Къара кюбюр

Скачать

Адрес