Аудио :: Аудио:: Аппаны джомакълары

Юреннген ауруу къалмаз.
Сютню башын джалагъан къутулур, тюбюн ичген тутулур.
Кенгеш болса, уруш болмаз.
Ашхы тенг джолгъа салыр, аман тенг джолдан тайдырыр.
Таш бла ургъанны, аш бла ур.
Тёзген – тёш ашар!
Айранын берсенг, челегин да къызгъанма.
Тойчу джашха къарама, къойчу джашха къара.
Терек ауса, отунчу – кёб.
Халкъгъа джарагъан, джарлы къалмаз.
Иги болса, тамадама – махтау, аман болса, меннге – айыб.
Адеб джокъда, намыс джокъ.
Экиндини кеч къылсанг, чабыб джетер ашхам.
Аш берме да, къаш бер.
Джырына кёре эжиую.
Адамны артындан къара сабан сюрме.
Чабакъ башындан чирийди.
Татлы сёз – балдан татлы.
Алим болгъандан эсе, адам болгъан къыйынды.
Ауругъанны сау билмез, ач къарынны токъ билмез.
Адам къыйынлыгъын кёлтюрюр, зауукълугъун кёлтюрмез.
Къарны аманнга къазан такъдырма, къолу аманнга от джакъдырма.
Бермеген къол, алмайды.
Эртде тургъан джылкъычыны эркек аты тай табар.
Аууз сакълагъан – джан сакълар.
Душманны тышы – акъ, ичи – къара.
Рысхы джалгъанды: келген да этер, кетген да этер.
Къанны къан бла джуума, аманны аман бла къуума.
Юйлю уругъа ит чабмаз.
Харам къарнашдан, халал тенг ашхы.
Кёзю сокъурдан – къоркъма, кёлю сокъурдан – къоркъ.
Ашха уста, юйюнде болсун
Биреу къой излей, биреу той излей.
Битмегеннге сакъал – танг.
Гырджын – тепсини тамадасы.
Айран ичген – къутулду, джугъусун джалагъан – тутулду.
Къонагъынгы артмагъын алма да, алгъышын ал.
Къоркъакъны кёзю экили кёрюр.
Байлыкъ тауусулур, билим тауусулмаз.
Ариу сёз джыланны орнундан чыгъарыр.
Мал тутхан – май джалар.
Къонакъ кёб келюучю юйню, къазаны отдан тюшмез.
Хар зат кесини орнуна иги.
Ёпкелегенни ашы татлы болады.
Сормай – алма, чакъырылмай – барма.
Айтхан сёзюне табылгъан.
Кеси юйюмде мен да ханма.
Кюл тюбюндеги от кёрюнмейди.
Тилчиден кери бол.
Минг тенг да азды, бир джау да кёбдю.

Логин:	Регистрация

Пароль:	Забыли пароль?

Запомнить меня

Аудио

Аппаны джомакълары

Скачать

Адрес