Песен: 15 Создан:
29.04.2016 Обновлен:
29.04.2016
| 24 Июня | 2026 года |
Навигация
- Къолунгдан къуймакъ ашатсанг да, атаны борчундан къутулмазса.
- Къан бла кирген, джан бла чыгъар.
- Суу да къайтады чыкъгъан джерине.
- Ашаса, ашамаса да, бёрюню ауузу – къан.
- Аманны тукъумуна къарама, игини тукъумун сорма.
- Джарлы тюеге минсе да, ит къабар.
- Ач къарным, тынч къулагъым.
- Таякъ этден ётер, тил сюекден ётер.
- Къонакъ хазыр болгъанлыкъгъа, къонакъбай хазыр тюлдю.
- Ана – юйню кюн джарыгъы.
- Айтхан сёзюне табылгъан.
- Ёлюр джаннга, ёкюл джокъ.
- Бал чибинни ургъаны – ачы, балы – татлы.
- Адамны джюреги нени кёрюрге сюйсе, кёзю да аны кёрюрге ёч болады.
- Сакъ юйюне сау барыр.
- Кёл – къызбай, къол – батыр.
- Тил бла келеди джыр да.
- Насыблы элин сюер, насыбсыз кесин сюер.
- Олтуруб кёрюнмей эди да, ёрге туруб кёрюне эди.
- Тёзгеннге, джабылгъан эшик ачылыр.
- Айтылгъан сёз ызына къайтмаз.
- Джол бла сёзню къыйыры джокъ.
- Эл ауузу – элек, анга ийнаннган – халек.
- Ата Джуртуму башы болмасам да, босагъасында ташы болайым.
- Кёбню кёрген – кёб билир.
- Кийимни бир кюнню аясанг, минг кюннге джарар.
- Тойгъан джерге джети къайт.
- Кеси юйюмде мен да ханма.
- Шайтан алдады, тюзлюк къаргъады.
- Джашлыкъ этмеген, башлыкъ этмез.
- Таш ата билмеген, башына урур.
- Дууулдаса – бал чибин, къонса – къара чибин.
- Ашатыргъа иш – ашхы, ишлетирге аш – ашхы.
- Ойнай билмеген, уруб къачар.
- Аллахха ийнаннган кишини, Аллах онгдурур ишин.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тюзлюк шохлукъну бегитир.
- Тилсиз миллет джокъ болур.
- Гитче джилтин уллу элни джандырыр.
- Кёзю сокъурдан – къоркъма, кёлю сокъурдан – къоркъ.
- Адеб джокъда, намыс джокъ.
- Ашхы сёз таш тешер.
- Тенгинг джокъ эсе – изле, бар эсе – сакъла!
- Юйюнг бла джау болгъандан эсе, элинг бла джау бол.
- Бал ашаргъа сюе эсенг, чибин ургъаннга тёз.
- Этек чакъмакълары баш джаргъан, сёлешген сёзлери таш джаргъан.
- Тил – миллетни джаны.
- Адебсиз адам – джюгенсиз ат.
- Къыз тиширыу кеси юйюнде да къонакъды.
- Мураты болгъанны джюрек тебюую башхады.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
