Аудио :: Аудио:: Джомакъ, джомакъ джолунга

Хаухну атма, ёнгкючню сатма.
Мал кёб болса, джууукъ кёб болур.
Джашынгы кесинг юретмесенг, джашау юретир.
Насыб бютеу халкъны юлюшюдю.
Джети тилни билген джети кишиди.
Татлы тилде – сёз ариу, чемер къолда – иш ариу.
Атадан ёксюз – бир ёксюз, анадан ёксюз – эки ёксюз.
Ургъан суудан башынгы сакъла.
Кюн кёрмеген, кюн кёрсе, кюндюз чыракъ джандырыр.
Арыгъан къош чамчы болур.
Айтханы чапыракъдан ётмеген.
Кёл – къызбай, къол – батыр.
Къонакъ аман болса, къонакъбай джунчур
Къарнынг тойгъунчу аша да, белинг талгъынчы ишле.
Аш иеси бла татлыды.
Ётюрюкню къуйругъу – бир тутум.
Эте билген, этген этеди, эте билмеген, юретген этеди!
Джюз элде джюз ёгюзюм болгъандан эсе, джюз джууугъум болсун.
Тин – байлыгъынг, терен саулугъунг.
Босагъа таш юйге кирмей эди, тыбыр таш эшикге чыкъмай эди.
Олтуруб кёрюнмей эди да, ёрге туруб кёрюне эди.
Сескекли кесин билдирир.
Адамны аманы адамны бети бла ойнар.
Аманны эки битли тону болур, бирин сеннге кийдирир, бирин кеси киер.
Бети къызарыучу адамны, джюреги харам болмаз.
Иги адамны бир сёзю эки болмаз.
Чакъырылмай келген къонакъ сыйланмай кетер.
Суугъа – чабакъ, къаягъа – ыргъакъ.
Адебсиз адам – джюгенсиз ат.
Арпа, будай – ащды, алтын, кюмюш а – ташды.
Ашхы сёз таш тешер.
Къая джолда джортма, ачыкъ сёзден къоркъма.
Къошда джокъгъа – юлюш джокъ.
Байны оноуу, джарлыгъа джарамаз.
Халкъгъа джарагъан, джарлы къалмаз.
Этни да ашады, бетни да ашады.
Чомартха хар кюн да байрамды.
Ханы къызы буюгъа-буюгъа киштик болду.
Къыз чыгъаргъан – къызыл къымжа.
Кёб джат да, бек чаб.
Кесинге джетмегенни, кёб сёлешме.
Рысхы – насыбха къор.
Урама да – ёледи, сатама да – келеди.
Шайтан алдады, тюзлюк къаргъады.
Акъдан къара болмаз.
Къайтырыкъ эшигинги, къаты уруб чыкъма.
Айранны сюйген, ийнек тутар.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ариу сёз аурууунгу алыр.
Биреуню эскиси биреуге джангы болмайды.

Логин:	Регистрация

Пароль:	Забыли пароль?

Запомнить меня

Аудио

Джомакъ, джомакъ джолунга

Скачать

Адрес