Аудио :: Аудио:: Апсатыны конагъы

Сакъ юйюне сау барыр.
Адам бла мюлк юлешмеген эсенг, ол адамны билиб бошагъанма, деб кесинги алдама.
Бюгюн дуния кибик, тамбла ахыратды.
Кеси юйюмде мен да ханма.
Эллинг бла джау болсанг да, юйюнг бла джау болма.
Таукел тауну аудурур.
От кюйдюрген, сау болса да, тот кюйдюрген, сау болмаз.
Ашыкъгъан cуу, тенгизге джетмез.
Байма, деб да, къууанма, джарлыма, деб да, джылама.
Ёгюзню мюйюзюнден тутадыла, адамны сёзюнден тутадыла.
Джюрекден джюрекге джол барды.
Адам туугъан джеринде, ит тойгъан джеринде.
Аш хазыр болса, иш харам болур.
Билмегенинги, билгеннге сор.
Ат басханны джер билед.
Ачыкъ джюрекге джол – ачыкъ.
Кёзюнде тереги болгъан, чёбю болгъаннга кюле эди.
Къартны сыйын кёрмеген, къартлыгъында сыйлы болмаз.
Ариу джол аджал келтирмез.
Ач келгенни – тойдур, кеч келгенни – къондур.
Билимден уллу байлыкъ джокъду.
Ёксюзню тилеги къабыл болур.
Юйлю уругъа ит чабмаз.
Къарны аманнга къазан такъдырма, къолу аманнга от джакъдырма.
Эл элде бирер малынг болгъандан эсе, бирер тенгинг болсун.
Къарыусузгъа кюлме, онгсузгъа тийме.
Халкъны джырын джырласанг, халкъ санга эжиу этер.
Окъ къызбайны джокълайды.
Айырылмаз джууугъунга, унутмаз сёзню айтма.
Ана – юйню кюн джарыгъы.
Джарашыу сюйген – джалынчакъ.
Атлыны кёрсе, джаяуну буту талыр.
Адамгъа аман кюн соруб келмейди.
Суу кетер, таш къалыр.
Сёз сёзню айтдырыр.
Душманны тышы – акъ, ичи – къара.
Къарт болгъан джерде, берекет болур, сабий болгъан джерде, оюн болур.
Ёмюрлюк шохлукъну джел элтмез.
Айтхан сёзюне табылгъан.
Керти сёзге тёре джокъ.
Тёзгеннге, джабылгъан эшик ачылыр.
Сабийликде юретмесенг, уллу болса – тюзелмез.
Баргъанынга кёре болур келгенинг.
Тенги кёбню джау алмаз, акъылы кёбню дау алмаз.
Джарлы тюеге минсе да, ит къабар.
Хантына кёре тузу, юйюне кёре къызы.
Хар сёзню орну барды.
Башда акъыл болмаса, эки аякъгъа кюч джетер.
Ётген ёмюр – акъгъан суу.
«Ма», - дегенни билмесенг, «бер», - дегенни билмезсе.

Логин:	Регистрация

Пароль:	Забыли пароль?

Запомнить меня

Аудио

Апсатыны конагъы

Скачать

Адрес