Аудио :: Аудио:: Жетегейле

Ханнга да келеди хариблик.
Къонагъынгы артмагъын алма да, алгъышын ал.
Джогъун бар этген, барын бал этген.
Кёбге таш атма.
Бир онгсуз адам адет чыгъарды, деб эштирик тюлсе.
Эр абынмай, эл танымаз.
Биреуге аманлыкъны тилеме да, кесинге ашхылыкъны тиле.
Билимсиз иш бармаз.
Айыбны суу бла джууалмазса.
Атлыны ашхысы, ат тизгининден билинир
Шапа кёб болса, аш татымсыз болур.
Намысы джокъну – дуниясы джокъ.
Тил бла келеди джыр да.
Элиб деген, элге болушур.
Ёлген ийнек сютлю болур.
Тёрени джагъы джокъ.
Эски джаугъа ышанма.
Адам сёзюнден белгили.
Чакъырылмагъан джерге барма, чакъырылгъан джерден къалма.
Башланнган иш битер, къымылдагъан тиш тюшер.
Ата Джуртуму башы болмасам да, босагъасында ташы болайым.
Чакъырылгъанны аты, чакъырылмагъанны багъасы болур.
Джерни букъусу кёкге къонмаз.
Аджаллыгъа окъсуз шкок атылыр.
Элге къуллукъ этмеген, элге ие болмаз.
Тюкюрюк баш джармаз, налат кёз чыгъармаз!
Таукелге нюр джауар.
Адам бла мюлк юлешмеген эсенг, ол адамны билиб бошагъанма, деб кесинги алдама.
Кесинг сынамагъан затны, адамгъа буюрма.
Суу кетер, таш къалыр.
Къартны сыйын кёрмеген, къартлыгъында сыйлы болмаз.
Ач къарным, тынч къулагъым.
Аш кетер да бет къалыр.
Кюл тюбюндеги от кёрюнмейди.
Ата – баланы уясы.
Аман хансны – урлугъу кёб.
Акъыл аздырмаз, билим тоздурмаз.
Айныгъанлы алты кюн, тогъайгъанлы тогъуз кюн.
Ишни ахырын ойламай, аллын башлама.
Чакъырылмагъан къонакъ – орунсуз.
Къууут – джелге, берне – бошха.
Байлыкъ тауусулур, билим тауусулмаз.
Айранын берсенг, челегин да къызгъанма.
Ашыкъгъан cуу, тенгизге джетмез.
Душманны тышы – акъ, ичи – къара.
Халкъгъа джарагъан, джарлы къалмаз.
Келлик заман – къартлыкъ келтирир, кетген заман – джашлыкъ ёлтюрюр.
Ёксюзню къалачы уллу кёрюнюр.
Мени джылытмагъан кюн, меннге тиймесин!
Экеу тутушса, биреу джыгъылыр.

Логин:	Регистрация

Пароль:	Забыли пароль?

Запомнить меня

Аудио

Жетегейле

Скачать

Адрес