Аудио :: Аудио:: 2-чи тому. Къарачай-Малкъар халкъ джомакъла бла таурухла

Эли джокъну – кёлю джокъ.
Айран ичген – къутулду, джугъусун джалагъан – тутулду.
Тамчы таш тешер.
Джолунга кёре – джюрюшюнг, джагъанга кёре – юлюшюнг.
Босагъагъа джууукъ орун болса, ашыгъыб тёрге озма.
Къуллукъчума, деб махтанма, къуллукъ – хаух джамчыды!
Чомартха Тейри да борчлуду.
Джарлы джети элни сёзюн этер.
Аш иеси бла татлыды.
Аман эсирсе, юйюн ояр.
Сютню башын джалагъан къутулур, тюбюн ичген тутулур.
Къулакъдан эсе, кёзге ышан.
Джырчы джырчыгъа – къарнаш.
Окъугъанны бети джарыкъ.
Къарыусузгъа кюлме, онгсузгъа тийме.
Таугъа чыгъаллыкъ эсенг, тюзде къалма.
Чакъырылмай келген къонакъ сыйланмай кетер.
Баш болса, бёрк табылыр.
Ханнга да келеди хариблик.
Ач, тоймам, дейди, тойгъан, ач болмам, дейди.
Къарнынг бла ёч алма.
Эте билген, этген этеди, эте билмеген, юретген этеди!
Ашхы сёз таш тешер.
Къарнынг къанлынга кийирир.
Урунуу – насыбны анасы.
Билеги кючлю, бирни джыгъар, билими кючлю, мингни джыгъар.
Эм ашхы къайын ана мамукъ бла башынгы тешер.
Келинин тута билмеген, къул этер, къызын тута билмеген, тул этер.
Мал кёб болса, джууукъ кёб болур.
Туз, гырджын аша, тюзлюк бла джаша.
Къарнынг ауруса, ауузунгу тый
Уллу атлама – абынырса, уллу къабма – къарылырса.
Ариуну – ауруу кёб.
Тенгинг джокъ эсе – изле, бар эсе – сакъла!
Билим ат болуб да чабар, къуш болуб да учар.
Эркиши – от, тиширыу – суу.
Нёгер болсанг, тенг бол, тенг болмасанг, кенг бол.
Дууулдаса – бал чибин, къонса – къара чибин.
Эл ауузу – элия.
Джюрекге ариу – кёзге да ариу.
Адеби болмагъан къыз – тузсуз хант.
Айранын берсенг, челегин да къызгъанма.
Игини сыйлагъан адетди.
Аурууну келиую тынч, кетиую – къыйын.
Акъыл бла адеб эгизледиле.
Элге къуллукъ этмеген, элге ие болмаз.
Билимсиз иш бармаз.
Ана – юйню кюн джарыгъы.
Ата Джуртун танымагъан, атасын да танымаз.
Джолда аягъынга сакъ бол, ушакъда тилинге сакъ бол.

Логин:	Регистрация

Пароль:	Забыли пароль?

Запомнить меня

Аудио

2-чи тому. Къарачай-Малкъар халкъ джомакъла бла таурухла

Скачать

Адрес