Песен: 48 Создан:
16.06.2016 Обновлен:
16.06.2016
| 8 Сентября | 2026 года |
Навигация
- Ашыкъгъан cуу, тенгизге джетмез.
- Минг тенг да азды, бир джау да кёбдю.
- Ата джурт – алтын бешик.
- Къатын къылыкъсыз, эр тынчлыкъсыз.
- Оюмсуз атлагъан, аджалсыз ёлюр.
- Этим кетсе да, сюегим къалыр.
- Мени джылытмагъан кюн, меннге тиймесин!
- Ушамагъан – джукъмаз.
- Ариу сёз аурууунгу алыр.
- Сыфатында болмагъаны, суратында болмаз.
- Кийимни бичсенг, кенг бич, тар этген къыйын тюлдю.
- Келлик заман – къартлыкъ келтирир, кетген заман – джашлыкъ ёлтюрюр.
- Ёпкелегенни ашы татлы болады.
- Тилчи тилден къаныкъмаз.
- Билеги кючлю, бирни джыгъар, билими кючлю, мингни джыгъар.
- Чёбню кёлтюрсенг, тюбюнден сёз чыгъар.
- Билген билмегенни юретген адетди.
- Ёмюрлюк шохлукъну джел элтмез.
- Тёгюлген тюгел джыйылмайды.
- Кёб джашагъан – кёб билир.
- Джигер – джаннга къыйынлыкъ.
- Тин – байлыгъынг, терен саулугъунг.
- Джогъун бар этген, барын бал этген.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кийимни бир кюнню аясанг, минг кюннге джарар.
- Бет бетге къараса, бет да джерге къарар.
- Адамны джюреги нени кёрюрге сюйсе, кёзю да аны кёрюрге ёч болады.
- Терек ауса, отунчу – кёб.
- Тулпарлыкъ, билекден тюл – джюрекден.
- Ишлегенде эринме, ишде чолакъ кёрюнме.
- Атадан ёксюз – бир ёксюз, анадан ёксюз – эки ёксюз.
- Къуллукъчума, деб махтанма, къуллукъ – хаух джамчыды!
- Къарыусузгъа кюлме, онгсузгъа тийме.
- Джиби бир къат джетмей эди да, эки къат тарта эди.
- Уруну арты – къуру.
- Хар ишни да аллы къыйынды.
- Акъыл сабырлыкъ берир.
- Бек ашыкъгъан меннге джетсин, дегенди аракъы.
- Иги сёз – джаннга азыкъ, аман сёз башха – къазыкъ.
- Экеу тутушса, биреу джыгъылыр.
- Акъыллы – эл иеси, тели – эл баласы.
- Бети къызарыучу адамны, джюреги харам болмаз.
- Aдам боллукъ, сыфатындан белгили.
- Къонакъ аман болса, къонакъбай джунчур
- Биреуню тёрюнден, кесинги эшик артынг игиди.
- Тойну къарнашы – харс, джырны къарнашы – эжиу.
- Азыкълы ат арымаз, къатыны аман джарымаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ишни аллы бла къууанма да, арты бла къууан.
- Айран ичген – къутулду, джугъусун джалагъан – тутулду.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
