Аудио :: Аудио:: Ходжаны хапарлары

Билим насыб берир, билим джолну керир.
Тёрдеги кюлсе, эшикдеги ышарыр.
Ишленмеклик адамлыкъды.
Айтхан – тынч, этген – къыйын.
Ётюрюкню къуйругъу – бир тутум.
Суугъа – таянма, джаугъа – ийнанма.
Тёзгеннге, джабылгъан эшик ачылыр.
Гугурук къычырмаса да, тангны атары къалмаз.
Бозанг болмагъан джерге, къалагъынгы сукъма.
Айырылмаз джууугъунга, унутмаз сёзню айтма.
Айныгъанлы алты кюн, тогъайгъанлы тогъуз кюн.
Айран ичген – къутулду, джугъусун джалагъан – тутулду.
Ашыкъгъанны этеги бутуна чырмалыр.
Кенгеш болса, уруш болмаз.
Къыз чыгъаргъан – къызыл къымжа.
Сакъламагъан затынга джолукъсанг, не бек къууанаса, не бек ачыйса.
Чоюнну башы ачыкъ болса, итге уят керекди.
Биреу ашаб къутулур, биреу джалаб тутулур.
Азыкълы ат арымаз, къатыны аман джарымаз.
Ургъан суудан башынгы сакъла.
Адеби болмагъан къыз – тузсуз хант.
Къулакъдан эсе, кёзге ышан.
Накъырда – кертини келечиси.
Ойнаб айтсанг да, эслеб айт.
Уллу сёлешме да, уллу къаб.
Сагъыш – къартлыкъгъа сюйюмчю.
Кёпюр салгъан кеси ётер, уру къазгъан кеси кетер.
Хаухну атма, ёнгкючню сатма.
Ёпкелегенни ашы татлы болады.
Сыфатында болмагъаны, суратында болмаз.
Ариу – кёзге, акъыл – джюрекге.
Кеси юйюмде мен да ханма.
Айран тёгюлсе, джугъусу къалыр.
Чомарт бергенин айтмаз.
Эте билген, этген этеди, эте билмеген, юретген этеди!
Ачлыкъда тары гырджын халыуадан татлы.
Ашда уялгъан – мухар, ишде уялгъан – хомух.
Намысы джокъну – дуниясы джокъ.
Хар ишни да аллы къыйынды.
Танг атмайма десе да, кюн къоярыкъ тюйюлдю.
Ойнай билмеген, оюн бузар.
Бастасын ашагъан, хантусун да ичер.
Ёгюзню мюйюзюнден тутадыла, адамны сёзюнден тутадыла.
Кийим тукъум сордурур.
Аман къатын сабий табса, бий болур…
Суугъа – чабакъ, къаягъа – ыргъакъ.
Айтхан сёзюне табылгъан.
Мал ёлсе, сюек къалыр, адам ёлсе, иши къалыр.
Насыб бютеу халкъны юлюшюдю.
Кёбге таш атма.

Логин:	Регистрация

Пароль:	Забыли пароль?

Запомнить меня

Аудио

Ходжаны хапарлары

Скачать

Адрес