Аудио :: Аудио:: Сагъышла

Джаралыны джастыгъында сау ёлюр.
Ашда уялгъан – мухар, ишде уялгъан – хомух.
Къонакъ аз олтурур, кёб сынар.
Ата Джуртча джер болмаз, туугъан элча эл болмаз.
Таякъ этден ётер, тил сюекден ётер.
Сагъышы джокъ – джукъучу, акъылы джокъ – къаугъачы.
Къазанда болса, чолпугъа чыгъар.
Аманнга да, игиге да оноусуз къатышма.
Сакъалы текени да бар, мыйыгъы киштикни да бар.
Дуния аламаты сен эсенг да, игиме деб айтма.
Чабар ат – джетген къыз.
Игилик игилик бла сингдирилиучю затды.
Чомарт бергенин айтмаз.
Джарлы тюеге минсе да, ит къабар.
Арба аугъандан сора, джол кёргюзтюучю кёб болур.
Тойчу джашха къарама, къойчу джашха къара.
Тёгюлген тюгел джыйылмайды.
Къатыны харакетли болса, эри къымсыз болур.
Ауурну тюбю бла, дженгилни башы бла джюрюген.
Аз сёлеш, кёб ишле.
Тюз сёз баргъан сууну тыяр.
Джылкъыдан – ат чыгъар, тукъумдан – джаш чыгъар.
Ашхы тенг джолгъа салыр, аман тенг джолдан тайдырыр.
Юре билмеген ит, къонакъ келтирир.
Чёбню кёлтюрсенг, тюбюнден сёз чыгъар.
Ач да бол, токъ да бол – намысынга бек бол.
Минг тенг да азды, бир джау да кёбдю.
Къан бла кирген, джан бла чыгъар.
Игини сыйлагъан адетди.
Ачылгъан эт джабылыр, кёрген кёз унутмаз.
Бал ашаргъа сюе эсенг, чибин ургъаннга тёз.
Иги бла джюрюсенг, джетерсе муратынга, аман бла джюрюсенг, къалырса уятха.
Кёз – сюйген джерде, къол – ауругъан джерде.
Суугъа – чабакъ, къаягъа – ыргъакъ.
Хунаны тюбюн къазсанг, юсюнге ауар.
Шекер бла туз – бир болмаз, ушамагъан – юй болмаз.
Насыб бютеу халкъны юлюшюдю.
Алим болгъандан эсе, адам болгъан къыйынды.
Аман эсирсе, юйюн ояр.
Джумушакъ терекни къурт ашар.
Аджал соруб келмез, келсе, къайтыб кетмез.
Орундукъ тюбюнде атылсам да, орта джиликме, де да айлан.
Къыз тиширыу кеси юйюнде да къонакъды.
Ким бла джюрюсенг, аны кёзю бла кёрюнюрсе.
Акъыл сабырлыкъ берир.
Эр сокъур болсун, къатын тилсиз болсун.
Ауузу аманнга «иги», деме.
Ат басханны джер билед.
Махтаннган къыз, тойда джукълар.
Билимли ёлмез, билимсиз кёрмез.

Логин:	Регистрация

Пароль:	Забыли пароль?

Запомнить меня

Аудио

Сагъышла

Скачать

Адрес