Песен: 8 Создан:
22.12.2016 Обновлен:
22.12.2016
| 8 Сентября | 2026 года |
Навигация
- Адамны бетине къарама, адетине къара.
- Хоншуну тауугъу къаз кёрюнюр, келини къыз кёрюнюр.
- Кёзню ачылгъаны – иги, ауузну джабылгъаны – иги.
- Джарашыу сюйген – джалынчакъ.
- Ишге юренсин къоллары, халкъ бла болсун джоллары.
- Къарын къуру болса, джюрек уру болур.
- Агъач халкъгъа алтынды, иссиликге салкъынды.
- Уясында не кёрсе, учханында аны этер.
- Элге къуллукъ этмеген, элге ие болмаз.
- Джюрекге ариу – кёзге да ариу.
- Кёбден умут этиб, аздан къуру къалма.
- Ойнай-ойнай кёз чыгъар.
- Эри аманны, къатыны – аман.
- Атлыны ашхысы, ат тизгининден билинир
- Бетинги сатма, малынгы сат.
- Къыз келсе, джумуш эте келеди, къатын келсе, ушакъ эте келеди.
- Джаш болсун, къыз болсун, акъылы, саны тюз болсун.
- «Ма», - дегенни билмесенг, «бер», - дегенни билмезсе.
- Шапа кёб болса, аш татымсыз болур.
- Къызны минг тилер, бир алыр.
- Тилчи тилден къаныкъмаз.
- Ёзденликни кёбю ётюрюк.
- Ашын ашагъанынгы, башын да сыйла.
- Къарыусузгъа кюлме, онгсузгъа тийме.
- Тамбла алтындан бюгюн багъыр ашхы.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джаханимни кёрмей, джандетге кёл салмазса.
- Къан бла кирген, джан бла чыгъар.
- Иги сеники эсе да, сюйген кесимикин этеме.
- Ачыу алгъа келсе, акъыл артха къалады.
- Тил – миллетни джаны.
- Тюз сёз баргъан сууну тыяр.
- Ушамагъан – джукъмаз.
- Ач къарным, тынч къулагъым.
- Джашда акъыл джокъ, къартда къарыу джокъ.
- Бир онгсуз адам адет чыгъарды, деб эштирик тюлсе.
- Намысы джокъну – дуниясы джокъ.
- Башсыз урчукъ тюзюне айланмаз.
- Болджал ишни бёрю ашар.
- Адамны сыфатына къарама, сёзюне къара.
- Адеби болмагъан къыз – тузсуз хант.
- Ачлыкъ отха секиртир.
- Ёлген ийнек сютлю болур.
- Игилик игилик бла сингдирилиучю затды.
- Махтаннган къыз, тойда джукълар.
- Къайгъы тюбю – тенгиз.
- Ариуну – ауруу кёб.
- Тил бла келеди джыр да.
- Тойну къарнашы – харс, джырны къарнашы – эжиу.
- Кёб ант этген, кёб ётюрюк айтыр.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
