Песен: 12 Создан:
03.02.2017 Обновлен:
03.02.2017
| 24 Июня | 2026 года |
Навигация
- Игилик игилик бла сингдирилиучю затды.
- Эки элинги тыйсанг, джети элде махталырса.
- Келинин тута билмеген, къул этер, къызын тута билмеген, тул этер.
- Эте билген, этген этеди, эте билмеген, юретген этеди!
- Уллу къазанда бишген эт, чий къалмаз.
- Къонагъынгы артмагъын алма да, алгъышын ал.
- Мухардан ач ычхынмаз.
- Джол бла сёзню къыйыры джокъ.
- Агъач халкъгъа алтынды, иссиликге салкъынды.
- Ёлмесенг да, къарт дамы болмазса?
- Эринчекни эр алмаз, эр алса да, кёл салмаз, кёл салса да, кёб бармаз!
- Чомартны къолу берекет.
- Бал ашаргъа сюе эсенг, чибин ургъаннга тёз.
- Тамырсыз терекге таянма – джыгъылырса.
- Ёлген эшек бёрюден къоркъмайды.
- Шекер бла туз – бир болмаз, ушамагъан – юй болмаз.
- Кирсизни – саны таза, халалны – къаны таза.
- Джырчы ёлсе, джыры къалыр.
- Азыкълы ат арымаз, къатыны аман джарымаз.
- Сормай – алма, чакъырылмай – барма.
- Тешигини къатында, чычхан да батыр болур.
- Къыз чыгъаргъан – къызыл къымжа.
- Суу ичген шауданынга тюкюрме.
- Окъдан джара эртде-кеч болса да бителир, сёз джара, ёмюрге къалыр.
- Ёлген ийнек сютлю болур.
- Эки къатын алгъанны къулагъы тынгнгаймаз.
- Ётюрюк хапар аякъ тюбю бла джюрюйдю.
- От кюйдюрген, сау болса да, тот кюйдюрген, сау болмаз.
- Намысы джокъну – дуниясы джокъ.
- Акъыллы эркиши атын махтар, акъылсыз эркиши къатынын махтар.
- Айыбны суу бла джууалмазса.
- Ач да бол, токъ да бол – намысынга бек бол.
- Иги сеники эсе да, сюйген кесимикин этеме.
- Келгинчи, къонакъ уялыр, келгенден сора, къонакъбай уялыр.
- Гугурук къычырмаса да, тангны атары къалмаз.
- Къарнынг ауруса, ауузунгу тый
- Ёлген аслан – сау чычхан.
- Тил – кесген бычакъ, сёз – атылгъан окъ.
- Адам туугъан джеринде, ит тойгъан джеринде.
- Акъдан къара болмаз.
- Алтыннга тот къонмаз.
- Айтхан – тынч, этген – къыйын.
- Аз сёлешген, къайгъысыз турур.
- Кюн – узун, ёмюр – къысха.
- Ишни ахырын ойламай, аллын башлама.
- Булут кёкге джарашыу, уят бетге джарашыу.
- Джигер – джаннга къыйынлыкъ.
- Тау башында, тау болмаз, джангыз терек, бау болмаз.
- Тил бла келеди джыр да.
- Ач къарным, тынч къулагъым.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
