Песен: 12 Создан:
16.03.2017 Обновлен:
09.10.2017
| 1 Мая | 2026 года |
Навигация
- Тау башында, тау болмаз, джангыз терек, бау болмаз.
- Сескекли кесин билдирир.
- Адамны адамлыгъы къыйынлыкъда айгъакъланады.
- Эм уллу байлыкъ – джан саулукъ.
- Ишленмеклик адамлыкъды.
- Аурууну келиую тынч, кетиую – къыйын.
- Ана къойну – балагъа джандет.
- Адамны аты башхача, акъылы да башхады.
- Келгинчи, къонакъ уялыр, келгенден сора, къонакъбай уялыр.
- Кёзден кетген, кёлден да кетеди.
- Арбаз къынгырды да, ийнек сауалмайма.
- Ичимден чыкъды хата, къайры барайым сата?
- Арпа, будай – ащды, алтын, кюмюш а – ташды.
- Таула не мийик болсала да, аууш табылыр.
- Джерни букъусу кёкге къонмаз.
- Сакъалы текени да бар, мыйыгъы киштикни да бар.
- Эки къатын алгъан – эки ташны ортасына башын салгъан.
- Къалгъан ишге къар джауар.
- Экеу тутушса, биреу джыгъылыр.
- Ишлегенден, къарагъан уста.
- Хар адамгъа кеси миннген тау кибик.
- Сибиртки да сыйлы болду, кюрек да кюнлю болду.
- Мадар болса, къадар болур.
- Ач отунчуну ачыуу – бурнунда.
- Рысхы – сют юсюнде кёмюк кибикди.
- Билим ат болуб да чабар, къуш болуб да учар.
- Къыз келсе, джумуш эте келеди, къатын келсе, ушакъ эте келеди.
- Таякъ этден ётер, тил сюекден ётер.
- Джашда акъыл джокъ, къартда къарыу джокъ.
- Эллинг бла джау болсанг да, юйюнг бла джау болма.
- Эртде тургъан бла эртде юйленнген сокъуранмаз.
- Хатерли къул болур.
- Керти сёзге тёре джокъ.
- Тюкюрюк баш джармаз, налат кёз чыгъармаз!
- Акъылсызны джууукъгъа алма, акъыллыны кенгнге салма.
- Къатыны харакетли болса, эри къымсыз болур.
- Ойнай билмеген, оюн бузар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Адам туугъан джеринде, ит тойгъан джеринде.
- Ауузу аманнга «иги», деме.
- Урунуу – насыбны анасы.
- Аман къатын сабий табса, бий болур…
- Башынга джетмегенни сорма.
- Бал – татлы, балдан да бала – татлы.
- Окъуусуз билим – джокъ, билимсиз кюнюнг – джокъ.
- Агъач – джерни чырайы, кийим – эрни чырайы.
- Тюз сёз баргъан сууну тыяр.
- Байлыкъ келсе, акъыл кетер.
- Аманнга алтын чыдамаз.
- Билимсиз иш бармаз.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
