Аудио :: Аудио:: Махтарынгы сёкме чам хапарла

Чомартха Тейри да борчлуду.
Тойгъандан сора, ашны сёкме.
Джаным-тиним – окъуу, билим.
Тулпарлыкъ, билекден тюл – джюрекден.
Баргъанынга кёре болур келгенинг.
Гырджын – тепсини тамадасы.
Тёрде – темир таякълы, къаяда – чыпчыкъ аякълы.
Аш берме да, къаш бер.
Кёрмегеннге кебек – танг, битмегеннге сакъал – танг.
Кёзден кетген, кёлден да кетеди.
Джарлыны тону джаз битер.
Адам къыйынлыгъын кёлтюрюр, зауукълугъун кёлтюрмез.
Окъдан джара эртде-кеч болса да бителир, сёз джара, ёмюрге къалыр.
Рысхысына кёре, джаш ёсер, къышлыгъына кёре, мал ёсер.
Сормай – алма, чакъырылмай – барма.
Намысы джокъну – дуниясы джокъ.
Элни кючю – эмеген.
Эл ауузу – элек, анга ийнаннган – халек.
Иги джашны ышаны – аз сёлешиб, кёб тынгылар.
Билимсиз иш бармаз.
Ата Джуртуму башы болмасам да, босагъасында ташы болайым.
Атлыны ашхысы, ат тизгининден билинир
Къазанчы аман болса, къазаны къайнамаз.
Хазыр ашха – терен къашыкъ.
Къонакъ аман болса, къонакъбай джунчур
Азыгъы аз, алгъа къабар, аты аман, алгъа чабар.
Окъугъан – асыу, окъумагъан – джарсыу.
Асхат ашлыкъ сата, юйдегиси ачдан къата.
Ёлген аслан – сау чычхан.
Ариу сёз – къылычдан джити.
Кесинг сынамагъан затны, адамгъа буюрма.
Танг атмайма десе да, кюн къоярыкъ тюйюлдю.
Ат да турмайды бир териде.
Бозаны арты дауур болур.
Тюзлюк тас болмайды.
Ашда уялгъан – мухар, ишде уялгъан – хомух.
Онгсузну – джакъла, тенгликни – сакъла.
Къан бла кирген, джан бла чыгъар.
Джюрек кёзден алгъа кёрюр.
Къыз чыгъаргъан – къызыл къымжа.
Билмегенинги, билгеннге сор.
Ишлегенден, къарагъан уста.
Ариу сёзде ауруу джокъ.
Сёлеш деб шай берген, тохта деб, сом берген.
Сёз сёзню айтдырыр.
Окъуу – билимни ачхычы, окъуу – дунияны бачхычы.
Тёзгеннге, джабылгъан эшик ачылыр.
Зар адамны насыбы болмаз.
Кесине гебен этелмеген, биреуге черен эте эди.
Чарсда алчыны эл кёреди.

Логин:	Регистрация

Пароль:	Забыли пароль?

Запомнить меня

Аудио

Махтарынгы сёкме чам хапарла

Скачать

Адрес