Аудио :: Аудио:: Кёчгюнчюлюк поэзия

Берекет берсин деген джерде, берекет болур.
Дуния малгъа сатылма, кесингден телиге къатылма.
Кюн кёрмеген, кюн кёрсе, кюндюз чыракъ джандырыр.
Юй ишлеген балта эшикде къалыр.
Эл бла кёргенинг эрелей.
Кийимни бир кюнню аясанг, минг кюннге джарар.
Кёкдеги болмаса, джердегин кёрмейди.
Танг атмайма десе да, кюн къоярыкъ тюйюлдю.
Тёрдеги кюлсе, эшикдеги ышарыр.
Байлыкъ болгъан джерде, тынчлыкъ джокъду.
Эллинг бла джау болсанг да, юйюнг бла джау болма.
Адамны сабийин сюйген джюреги, бычакъча, джитиди.
Баргъанынга кёре болур келгенинг.
Сормай – алма, чакъырылмай – барма.
Джауумдан сора, кюн кюйдюрюр, ётюрюкден сора, айыб кюйдюрюр.
Абынмазлыкъ аякъ джокъ, джангылмазлыкъ джаякъ джокъ.
Накъырда – кертини келечиси.
Арба аугъандан сора, джол кёргюзтюучю кёб болур.
Аллахдан тилесенг, кёб тиле.
Къарыусузгъа кюлме, онгсузгъа тийме.
Аз сёлешген, къайгъысыз турур.
Минг тенг да азды, бир джау да кёбдю.
Ач къалгъандан, кеч къалгъан къолай.
Къар – келтирди, суу – элтди.
Чабар ат – джетген къыз.
Ёлген аслан – сау чычхан.
Аманнга игилик этсенг, юйюнге сау бармазса.
Бети бедерден, намыс сакълама.
Къартха ушагъан джаш – акъыллы, джашха ушагъан къарт – тели.
Ойнай билмеген, оюн бузар.
Джол бла сёзню къыйыры джокъ.
Терек ауса, отунчу – кёб.
Чакъырылмай келген къонакъ сыйланмай кетер.
Билимден уллу байлыкъ джокъду.
Аз айтсам, кёб ангылагъыз.
Туз, гырджын аша, тюзлюк бла джаша.
Кёлю джокъну – джолу джокъ.
Тешигини къатында, чычхан да батыр болур.
Ариу сёз аурууунгу алыр.
Джырчы джырчыгъа – къарнаш.
Мухар, кеси тойса да, кёзю тоймаз.
Мени джылытмагъан кюн, меннге тиймесин!
Ёнгкюч къууана барыр, джылай келир.
Окъугъан – асыу, окъумагъан – джарсыу.
Кёб джат да, бек чаб.
Кёб къычыргъандан – къоркъма, тынч олтургъандан – къоркъ.
Ёлюк кебинсиз къалмаз.
Ким бла джюрюсенг, аны кёзю бла кёрюнюрсе.
Эки элинги тыйсанг, джети элде махталырса.
Ашыкъгъан cуу, тенгизге джетмез.

Логин:	Регистрация

Пароль:	Забыли пароль?

Запомнить меня

Аудио

Кёчгюнчюлюк поэзия - "Ай, Кавказ таула..."

Скачать

Адрес