Аудио :: Аудио:: Хапарла

Тели турса – той бузар.
Кимни – тили, тиши онглу, кимни – къолу, иши онглу.
Кеси юйюмде мен да ханма.
Окъдан джара эртде-кеч болса да бителир, сёз джара, ёмюрге къалыр.
Ишин билген, аны сыйын чыгъарады.
Адеб джокъда, намыс джокъ.
Чомарт къонакъ юй иесин сыйлар.
Ачыу алгъа келсе, акъыл артха къалады.
Билимден уллу байлыкъ джокъду.
Мухарны эси – ашарыкъда.
Тёгюлген тюгел джыйылмайды.
Булут кёкге джарашыу, уят бетге джарашыу.
Байлыкъдан саулукъ ашхыды.
Хазыр ашха – терен къашыкъ.
Кечеси – аяз, кюню – къыш, джарлы къаргъагъа бир аш тюш!
Урама да – ёледи, сатама да – келеди.
Байлыкъ тауусулур, билим тауусулмаз.
Экеу тутушса, биреу джыгъылыр.
Уллу къазанда бишген эт, чий къалмаз.
Аман адам элни бир-бирине джау этер.
Къарнынг ауруса, ауузунгу тый
Тик ёргени, тик энгишгеси да болады.
Акъдан къара болмаз.
Байлыкъ келсе, акъыл кетер.
Халкъны юйю – туугъан джери.
Билим къая тешер.
Кюн кёрмеген, кюн кёрсе, кюндюз чыракъ джандырыр.
Байма, деб да, къууанма, джарлыма, деб да, джылама.
Мал кёб болса, джууукъ кёб болур.
Тулпарлыкъ, билекден тюл – джюрекден.
Ёлюр джаннга, ёкюл джокъ.
Къобан да къуру да къобханлай турмайды, адам да къуру да патчахлай турмайды.
Бозанг болмагъан джерге, къалагъынгы сукъма.
Хоншуну тауугъу къаз кёрюнюр, келини къыз кёрюнюр.
Кийиминг бла танылма, адамлыкъ бла таныл.
Садакъачыны джаны – къапчыгъында.
Къатыны харакетли болса, эри къымсыз болур.
Кёб къычыргъандан – къоркъма, тынч олтургъандан – къоркъ.
Эл ауузу – элия.
Шапа кёб болса, аш татымсыз болур.
Ойнай билмеген, оюн бузар.
Эртде тургъан бла эртде юйленнген сокъуранмаз.
Ауругъан – джашаудан умутчу.
Аман адамны тепсинге олтуртсанг, къызынгы тилер.
Этни да ашады, бетни да ашады.
Джангыз терек къынгыр ёсер.
Чомартха хар кюн да байрамды.
Башда акъыл болмаса, эки аякъгъа кюч джетер.
Адеби болмагъан къыз – тузсуз хант.
Тилде сюек болмаса да, сюек сындырыр.

Логин:	Регистрация

Пароль:	Забыли пароль?

Запомнить меня

Аудио

Хапарла

Скачать

Адрес