Песен: 22 Создан:
01.12.2017 Обновлен:
01.12.2017
| 20 Апреля | 2026 года |
Навигация
- Зарда марда джокъ.
- Эл ауузу – элек, анга ийнаннган – халек.
- Ач уят къоймаз.
- Бек ашыкъгъан меннге джетсин, дегенди аракъы.
- Тойгъанлыкъ къойгъа джарашады.
- Джаш къарыу бла кючлю, къарт акъыл бла кючлю.
- Ёлген ийнек сютлю болур.
- Чомартха хар кюн да байрамды.
- Эри аманны, къатыны – аман.
- Айтхан – тынч, этген – къыйын.
- Чакъырылмагъан къонакъ – орунсуз.
- Ашда уялгъан – мухар, ишде уялгъан – хомух.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тилчи тилден къаныкъмаз.
- Чомарт къонакъ юй иесин сыйлар.
- Аман киши кеси юйюнде – къонакъ.
- Джюрекден джюрекге джол барды.
- Ашхы – джыяр, аман – джояр.
- Къарнынг бла ёч алма.
- Оюмсуз атлагъан, аджалсыз ёлюр.
- Джаз бир кюнню джатсанг, къыш талай кюнню абынырса.
- Экеулен сёлеше тура эселе, орталарына барыб кирме.
- Тойгъа алгъа да барма, тойда артха да къалма.
- Эки къатын алгъан – эки ташны ортасына башын салгъан.
- Эринчекни эр алмаз, эр алса да, кёл салмаз, кёл салса да, кёб бармаз!
- Бети бедерден, намыс сакълама.
- Къошда джокъгъа – юлюш джокъ.
- Иги болса, тамадама – махтау, аман болса, меннге – айыб.
- Баш болса, бёрк табылыр.
- Къарт болгъан джерде, берекет болур, сабий болгъан джерде, оюн болур.
- Таукел адам тау тешер.
- Ханнга да келеди хариблик.
- Билим – акъылны чырагъы.
- Ишге юренсин къоллары, халкъ бла болсун джоллары.
- Окъумагъан сокъурду, сокъур ташха абыныр!
- Тойгъан антын унутур.
- Джолунга кёре – джюрюшюнг, джагъанга кёре – юлюшюнг.
- Кесине оноу эте билмеген, халкъына да эте билмез.
- Кюл тюбюндеги от кёрюнмейди.
- Абынмазлыкъ аякъ джокъ, джангылмазлыкъ джаякъ джокъ.
- Алтыда кюлмеген, алтмышда кюлмез.
- Ашаса, ашамаса да, бёрюню ауузу – къан.
- Суу ичген шауданынга тюкюрме.
- Адамны сыфатына къарама, сёзюне къара.
- Эринчекни аурууу – кёб.
- Кёбден умут этиб, аздан къуру къалма.
- Окъугъан – асыу, окъумагъан – джарсыу.
- Хоншуну тауугъу къаз кёрюнюр, келини къыз кёрюнюр.
- Ёгюзню мюйюзюнден тутадыла, адамны сёзюнден тутадыла.
- Ашда – бёрю, ишде – ёлю.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
