Аудио :: Аудио:: Иги сёзню бичакъ кесмез

Ариу – кёзге, акъыл – джюрекге.
Аман адам этегингден тутса, кес да къач.
Адамны сыфатына къарама, сёзюне къара.
Башланнган иш битер, къымылдагъан тиш тюшер.
Аш хазыр болса, иш харам болур.
Кёлсюзден сёзсюз тууар.
Биреуге аманлыкъны тилеме да, кесинге ашхылыкъны тиле.
Окъугъанны бети джарыкъ.
Иши джокъну, сыйы джокъ.
Къарнынг бла ёч алма.
Джырчы ёлсе, джыры къалыр.
Къатын байлыкъны сюер, эр саулукъну сюер.
Хатерли къул болур.
Чалманны аллы къалай башланса, арты да алай барады.
Игиге айтсанг – билир, аманнга айтсанг – кюлюр.
Джиби бир къат джетмей эди да, эки къат тарта эди.
Адам къаллай бир ишленмесе, аллай бир кесин уллу кёреди.
Ёксюзню тилеги къабыл болур.
Ач – эснер, ат – кишнер.
Танг атмайма десе да, кюн къоярыкъ тюйюлдю.
Урама да – ёледи, сатама да – келеди.
Билгенни къолу къарны джандырыр.
Юй кюйдю да, кюйюз чыкъды, ортасындан тюйюш чыкъды.
Кёкдеги болмаса, джердегин кёрмейди.
Бёрю да ач къалмасын, эчки да ашалмасын.
Хар адамгъа кеси миннген тау кибик.
Джаш къарыу бла кючлю, къарт акъыл бла кючлю.
Эри аманны, къатыны – аман.
Къонакъ аман болса, къонакъбай джунчур
Айтхан сёзюне табылгъан.
Джаным-тиним – окъуу, билим.
Ауругъан – джашаудан умутчу.
Кесине гебен этелмеген, биреуге черен эте эди.
Эки элинги тыйсанг, джети элде махталырса.
Уллу сёзде уят джокъ.
Джашлыкъ этмеген, башлыкъ этмез.
Ата – баланы уясы.
Адамны бетине къарама, адетине къара.
Хансыз джомакъ болмаз.
Тил джюрекге джол ишлейди.
Окъугъан – асыу, окъумагъан – джарсыу.
Билими азны – ауузунда кирит.
Тёрдеги кюлсе, эшикдеги ышарыр.
Джахил болса анасы, не билликди баласы?
Аз сёлешген, къайгъысыз турур.
Ханнга да келеди хариблик.
Уясында не кёрсе, учханында аны этер.
Акъыллы айтыр эди, акъылсыз къоймайды.
Чомартха Тейри да борчлуду.
Кесинг сынамагъан затны, адамгъа буюрма.

Логин:	Регистрация

Пароль:	Забыли пароль?

Запомнить меня

Аудио

Иги сёзню бичакъ кесмез

Скачать

Адрес