Аудио :: Аудио:: Иги сёзню бичакъ кесмез

Иги бла джюрюсенг, джетерсе муратынга, аман бла джюрюсенг, къалырса уятха.
Керилген да, ургъан кибикди.
Тенгинг джокъ эсе – изле, бар эсе – сакъла!
Къолунгдан къуймакъ ашатсанг да, атаны борчундан къутулмазса.
Ариу сёз – джаннга азыкъ, аман сёз – башха къазыкъ.
Джумушакъ сёз къаты таякъны сындырыр.
Урунуу – насыбны анасы.
Акъыл къартда, джашда тюйюлдю – башдады.
Баргъанынга кёре болур келгенинг.
Бет бетге къараса, бет да джерге къарар.
Накъырданы арты керти болур.
Телиге акъыл салгъандан эсе, ёлгеннге джан салырса.
Къуру гыбыт бек дыгъырдар.
Ашлыкъ – бюртюкден, джюн – тюкден.
Айтхан сёзюне табылгъан.
Сёз сёзню айтдырыр.
Эли джокъну – кёлю джокъ.
Биреу ашаб къутулур, биреу джалаб тутулур.
Тенги кёбню джау алмаз, акъылы кёбню дау алмаз.
Чёбню кёлтюрсенг, тюбюнден сёз чыгъар.
Джигер – джаннга къыйынлыкъ.
Уллу къашыкъ эрин джыртар.
Кёб ант этген, кёб ётюрюк айтыр.
Ауругъаннга – кийик саулукъ, джетген къызгъа – чилле джаулукъ.
Ойнай билмеген, оюн бузар.
Къызгъанчдан ычхыныр, мухардан ычхынмаз.
Джети тилни билген джети кишиди.
Таукел къуру къалмаз.
Уллу къазанда бишген эт, чий къалмаз.
Кёлю джокъну – джолу джокъ.
Сыфатында болмагъаны, суратында болмаз.
Къолу уллу – асыу, аягъы уллу – джарсыу.
Уллу сёзде уят джокъ.
Иги – алгъыш этер, аман – къаргъыш этер.
Кеси юйюмде мен да ханма.
Ичимден чыкъды хата, къайры барайым сата?
Бермеген къол, алмайды.
Хазыр ашха – терен къашыкъ.
Ёлген ийнек сютлю болур.
Телини эшигин, махтау джабар.
Душманны тышы – акъ, ичи – къара.
Аз сёлеш, кёб ишле.
Эки къатын алгъанны къулагъы тынгнгаймаз.
Къарыусузгъа кюлме, онгсузгъа тийме.
Ашхы тенг джолгъа салыр, аман тенг джолдан тайдырыр.
Бозанг болмагъан джерге, къалагъынгы сукъма.
Орундукъ тюбюнде атылсам да, орта джиликме, де да айлан.
Олтуруб кёрюнмей эди да, ёрге туруб кёрюне эди.
Бал чибинни ургъаны – ачы, балы – татлы.
Ётюрюкню башын керти кесер.

Логин:	Регистрация

Пароль:	Забыли пароль?

Запомнить меня

Аудио

Иги сёзню бичакъ кесмез

Скачать

Адрес