Песен: 17 Создан:
06.05.2015 Обновлен:
06.05.2015
| 27 Июня | 2026 года |
Навигация
- Миллетни бойну – базыкъ, аны бла кюрешген – джазыкъ.
- Эллинг бла джау болсанг да, юйюнг бла джау болма.
- Къарыусузгъа кюлме, онгсузгъа тийме.
- Телиге акъыл салгъандан эсе, ёлгеннге джан салырса.
- Телини эшигин, махтау джабар.
- Айраннга суу къош, телиге джол бош.
- Джумушакъ сёз къаты таякъны сындырыр.
- Накъырданы арты керти болур.
- Гугук кесини атын айтыб къычыргъанча, мен, мен деб нек тураса?
- Эр абынмай, эл танымаз.
- Ёлюк кебинсиз къалмаз.
- Ашхы болсанг, атынг чыгъар, аман болсанг, джанынг чыгъар.
- Джашны джигитлиги сорулур, къызны джигерлиги сорулур.
- Аманны тукъумуна къарама, игини тукъумун сорма.
- Ойнаб айтсанг да, эслеб айт.
- Азыкълы ат арымаз, къатыны аман джарымаз.
- Джукъу тёшек сайламайды.
- Чомартны къолун джокълукъ байлар.
- Айтылгъан сёз ызына къайтмаз.
- Чакъырылмагъан къонакъ тёрге атламаз.
- Джылкъыдан – ат чыгъар, тукъумдан – джаш чыгъар.
- Ётюрюкню къуйругъу – бир тутум.
- Ишлерге уял да, ашаргъа табма.
- Окъугъан – асыу, окъумагъан – джарсыу.
- Къайгъыны сюйген, къайгъы табар.
- Атлыны кёрсе, джаяуну буту талыр.
- Къонакъ болсанг, ийнакъ бол.
- Къыйынлы джети элге оноу этер.
- Харам къарнашдан, халал тенг ашхы.
- Минг тенг да азды, бир джау да кёбдю.
- Сибиртки да сыйлы болду, кюрек да кюнлю болду.
- Огъурлуну сёзю – суу, огъурсузну сёзю – уу.
- Тёрде – темир таякълы, къаяда – чыпчыкъ аякълы.
- Кечеси – аяз, кюню – къыш, джарлы къаргъагъа бир аш тюш!
- Къобан да къуру да къобханлай турмайды, адам да къуру да патчахлай турмайды.
- Чыбыкълыкъда бюгюлмеген, къазыкълыкъда бюгюлмей эди.
- Ашына кёре табагъы, балына кёре къалагъы.
- Элиб деген, элге болушур.
- Хар адамгъа кеси миннген тау кибик.
- Гырджын – тепсини тамадасы.
- Таукел адам тау тешер.
- Аш иеси бла татлыды.
- Биреуню къыйынлыгъы бла кесинге джол ишлеме.
- Ёгюзню мюйюзюнден тутадыла, адамны сёзюнден тутадыла.
- Айныгъанлы алты кюн, тогъайгъанлы тогъуз кюн.
- Адамны джюреги нени кёрюрге сюйсе, кёзю да аны кёрюрге ёч болады.
- Тенгинг джокъ эсе – изле, бар эсе – сакъла!
- Уллу атлама – абынырса, уллу къабма – къарылырса.
- Аджашхан тёгерек айланыр.
- Алтыда кюлмеген, алтмышда кюлмез.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
