Аудио :: Аудио:: Чагилов Роберт

Тили узунну, намысы – къысха.
Рысхысына кёре, джаш ёсер, къышлыгъына кёре, мал ёсер.
Джангызны оту джарыкъ джанмаз!
Таукелге нюр джауар.
Адамны джюреги нени кёрюрге сюйсе, кёзю да аны кёрюрге ёч болады.
Эли джокъну – кёлю джокъ.
Сютню башын джалагъан къутулур, тюбюн ичген тутулур.
Ётюрюк хапар аякъ тюбю бла джюрюйдю.
Келгинчи, къонакъ уялыр, келгенден сора, къонакъбай уялыр.
Къумурсхала джыйылсала, пилни да джыгъадыла.
Ёксюзню къалачы уллу кёрюнюр.
Эринчекни эр алмаз, эр алса да, кёл салмаз, кёл салса да, кёб бармаз!
Ач отунчуну ачыуу – бурнунда.
Уллу сёлешме да, уллу къаб.
Къыйынлы джети элни къайгъысын этер.
Огъурлуну сёзю – суу, огъурсузну сёзю – уу.
Чомартха хар кюн да байрамды.
Къулакъдан эсе, кёзге ышан.
Къызын тута билмеген, тул этер, джашын тута билмеген, къул этер.
Сакъламагъан затынга джолукъсанг, не бек къууанаса, не бек ачыйса.
Эрине къаргъыш этген къатын, эрнин къабар.
Биреуню эскиси биреуге джангы болмайды.
Эшекни не къадар тюйсенг да, ат болмаз.
Таш ата билмеген, башына урур.
Башынга джетмегенни сорма.
Ётюрюкден тюбю джокъ, кёлтюрюрге джиби джокъ.
Къоркъакъны кёзю экили кёрюр.
Нафысынгы айтханын этме, намысынгы айтханын эт.
Ашхы адам – халкъ байлыгъы, ашхы джер – джашау байлыгъы.
Эл бла кёргенинг эрелей.
Ашаса, ашамаса да, бёрюню ауузу – къан.
Хата – гитчеден.
Ариу сёз аурууунгу алыр.
Керти сёзге тёре джокъ.
Къыз чыгъаргъан – къызыл къымжа.
Рысхы – сют юсюнде кёмюк кибикди.
Телини эшигин, махтау джабар.
Кёзден кетген, кёлден да кетеди.
Адам къыйынлыгъын кёлтюрюр, зауукълугъун кёлтюрмез.
Керилген да, ургъан кибикди.
Ариуну – ауруу кёб.
Къарыусузгъа кюлме, онгсузгъа тийме.
Къанны къан бла джуума, аманны аман бла къуума.
Зарда марда джокъ.
Аджаллыгъа окъсуз шкок атылыр.
Эри аманны, къатыны – аман.
Бастасын ашагъан, хантусун да ичер.
Къарнынг тойгъунчу аша да, белинг талгъынчы ишле.
Аман адам элни бир-бирине джау этер.
Терек ауса, отунчу – кёб.

Логин:	Регистрация

Пароль:	Забыли пароль?

Запомнить меня

Аудио

Чагилов Роберт

Скачать

Адрес