Аудио :: Аудио:: Батчаева Лидия

Джумушакъ терекни къурт ашар.
Айтылгъан сёз ызына къайтмаз.
Джылар джаш, атасыны сакъалы бла ойнар.
Тойгъа алгъа да барма, тойда артха да къалма.
Ёмюрлюк шохлукъну джел элтмез.
Айран тёгюлсе, джугъусу къалыр.
Адам туугъан джеринде, ит тойгъан джеринде.
Телини эшигин, махтау джабар.
Адам сёзге тынгыла, акъыл сёзню ангыла.
Билмезни кёзю кёрмез, этмезни къулагъы эшитмез.
Ариуну – ауруу кёб.
Ач отунчуну ачыуу – бурнунда.
Соргъан айыб тюлдю, билмеген айыбды.
Адамны адамлыгъы къыйынлыкъда айгъакъланады.
Кёкдеги болмаса, джердегин кёрмейди.
Тешигини къатында, чычхан да батыр болур.
Чомарт джарлы болмаз.
Сескекли кесин билдирир.
Чыкълы кюнде чыкъмагъан, чыкъса къуру кирмеген.
Нарт сёз – тилни бети.
Суу да къайтады чыкъгъан джерине.
Сабыр джетер муратха, сабырсыз къалыр уятха.
Адам боллукъ, атламындан белгили болур.
Алтыннга тот къонмаз.
Адеб базарда сатылмаз.
Билген билмегенни юретген адетди.
Аман адам этегингден тутса, кес да къач.
Аман эсирсе, юйюн ояр.
Суугъа – чабакъ, къаягъа – ыргъакъ.
«Ёгюз, джаргъа джууукъ барма, меннге джюк боллукъса», - дегенди эшек.
Билим насыб берир, билим джолну керир.
Юйюнгден чыкъдынг – кюнюнгден чыкъдынг.
Садакъачыны джаны – къапчыгъында.
Накъырданы арты керти болур.
Тойну къарнашы – харс, джырны къарнашы – эжиу.
Ашда уялгъан – мухар, ишде уялгъан – хомух.
Адамны сыфатына къарама, сёзюне къара.
Кёл – къызбай, къол – батыр.
Ауузу бла къуш тута айланады.
От кюйдюрген, сау болса да, тот кюйдюрген, сау болмаз.
Намысы джокъну – дуниясы джокъ.
Ачылгъан эт джабылыр, кёрген кёз унутмаз.
Тиширыусуз юй – отсуз от джагъа.
Уллу айтханны этмеген – уллаймаз.
Ариу сёз – джаннга азыкъ, аман сёз – башха къазыкъ.
Акъыл къартда, джашда тюйюлдю – башдады.
Окъ къызбайны джокълайды.
Къулакъдан эсе, кёзге ышан.
Агъач халкъгъа алтынды, иссиликге салкъынды.
Джерни букъусу кёкге къонмаз.

Логин:	Регистрация

Пароль:	Забыли пароль?

Запомнить меня

Аудио

Батчаева Лидия

Скачать

Адрес