Аудио :: Аудио:: Батчаева Лидия

Кюн – узун, ёмюр – къысха.
Гитче джилтин уллу элни джандырыр.
Ач – эснер, ат – кишнер.
Окъумагъан сокъурду, сокъур ташха абыныр!
Бозанг болмагъан джерге, къалагъынгы сукъма.
Баш – акъыл ючюн, акъылман – халкъ ючюн.
Урама да – ёледи, сатама да – келеди.
Нёгер болсанг, тенг бол, тенг болмасанг, кенг бол.
Аман къатын сабий табса, бий болур…
Байлыкъдан саулукъ ашхыды.
Биреу ашаб къутулур, биреу джалаб тутулур.
Аш кетер да бет къалыр.
Таш бла ургъанны, аш бла ур.
Биреуге кёлтюрген таягъынг, кесинги башынга урур.
Башсыз урчукъ тюзюне айланмаз.
Сангырау къулакъ эл бузар.
Ана кёлю – балада, бала кёлю – талада.
Ашхы – джыяр, аман – джояр.
Иесиз малны бёрю ашар.
Кюл тюбюндеги от кёрюнмейди.
Аджаллыгъа окъсуз шкок атылыр.
Билимден уллу байлыкъ джокъду.
Тенги кёбню джау алмаз, акъылы кёбню дау алмаз.
Асхат ашлыкъ сата, юйдегиси ачдан къата.
Бал – татлы, балдан да бала – татлы.
Аз сёлешген, къайгъысыз турур.
Хата – гитчеден.
Бал ашаргъа сюе эсенг, чибин ургъаннга тёз.
Къалгъан ишге къар джауар.
Тойгъандан сора, ашны сёкме.
Уллу суу бла уллу ауруудан башынгы сакъла.
Хазыр ашха – терен къашыкъ.
Эрни эр этерик да, къара джер этерик да, тиширыуду.
Байма, деб да, къууанма, джарлыма, деб да, джылама.
Тенгинг джокъ эсе – изле, бар эсе – сакъла!
Эл ауузу – элек, анга ийнаннган – халек.
Эр сокъур болсун, къатын тилсиз болсун.
Эте билген, этген этеди, эте билмеген, юретген этеди!
Хатерли къул болур.
Тынгылагъан тынгы бузар.
Артына баргъанны, къатына барма.
Кесинге джетмегенни, кёб сёлешме.
Ёнгкюч къууана барыр, джылай келир.
Кёзню ачылгъаны – иги, ауузну джабылгъаны – иги.
Чакъырылгъанны аты, чакъырылмагъанны багъасы болур.
Башы джабылгъан челекге, кир тюшмез.
Акъыллы – эл иеси, тели – эл баласы.
Джашлыкъ этмеген, башлыкъ этмез.
Къарнынг къанлынга кийирир.
Чомартны къолу берекет.

Логин:	Регистрация

Пароль:	Забыли пароль?

Запомнить меня

Аудио

Батчаева Лидия

Скачать

Адрес