Аудио :: Аудио:: Джёгетей (группа)

Экеу тутушса, биреу джыгъылыр.
Къайтырыкъ эшигинги, къаты уруб чыкъма.
Джаз бир кюнню джатсанг, къыш талай кюнню абынырса.
Адамны аманы адамны бети бла ойнар.
Алгъанда – джууукъ, бергенде – джау.
Магъанасыз сёз – тауушсуз сыбызгъы.
Джумушакъ сёз къаты таякъны сындырыр.
Урама да – ёледи, сатама да – келеди.
Кёзню ачылгъаны – иги, ауузну джабылгъаны – иги.
Тенгинг джокъ эсе – изле, бар эсе – сакъла!
Къралынгы – душмандан, башынгы от бла суудан сакъла.
Кёл – къызбай, къол – батыр.
Керти сёзге тёре джокъ.
Къазанда болса, чолпугъа чыгъар.
Ишни аллы бла къууанма да, арты бла къууан.
Эшекни не къадар тюйсенг да, ат болмаз.
Къыйынлы джети элге оноу этер.
Джаш къарыу бла кючлю, къарт акъыл бла кючлю.
Хар адамгъа кеси миннген тау кибик.
Сабыр джетер муратха, сабырсыз къалыр уятха.
Ёлюр джаннга, ёкюл джокъ.
Мухарны эси – ашарыкъда.
Джырчы ёлсе, джыры къалыр.
Сескекли кесин билдирир.
Хунаны тюбюн къазсанг, юсюнге ауар.
Эринчекге кюн узун.
Мал ёлсе, сюек къалыр, адам ёлсе, иши къалыр.
Джаханимни кёрмей, джандетге кёл салмазса.
Джауумдан сора, кюн кюйдюрюр, ётюрюкден сора, айыб кюйдюрюр.
Дженгил джетерикме деб, узун джолну къоюб, къысхасын барма.
Ашха уста, юйюнде болсун
Биреуню тёрюнден, кесинги эшик артынг игиди.
Агъач халкъгъа алтынды, иссиликге салкъынды.
Ата – билек, ана – джюрек!
Къуру гыбыт бек дыгъырдар.
Билгенни къолу къарны джандырыр.
Адеб джокъда, намыс джокъ.
Рысхы – сют юсюнде кёмюк кибикди.
Игини сыйлагъан адетди.
Нарт сёз къарт болмаз.
Къыз чыгъаргъан – къызыл къымжа.
Ашатыргъа иш – ашхы, ишлетирге аш – ашхы.
Тиширыусуз юй – отсуз от джагъа.
Таш ата билмеген, башына урур.
Ашхы сёз таш тешер.
Аш кетер да бет къалыр.
Тил – миллетни джаны.
Эркишиге тары кебек танг кёрюнюр.
Уясында не кёрсе, учханында аны этер.
Урунуу – насыбны анасы.

Логин:	Регистрация

Пароль:	Забыли пароль?

Запомнить меня

Аудио

Джёгетей (группа)

Скачать

Адрес