Аудио :: Аудио:: Джёгетей (группа)

Эки къатын алгъанны къулагъы тынгнгаймаз.
Суу да къайтады чыкъгъан джерине.
Аман адамны тепсинге олтуртсанг, къызынгы тилер.
Джюрекге ариу – кёзге да ариу.
Къонагъынгы артмагъын алма да, алгъышын ал.
Аманны къуугъан, аманлыкъ табар.
Кюл тюбюндеги от кёрюнмейди.
Окъумагъан сокъурду, сокъур ташха абыныр!
Ишни аллы бла къууанма да, арты бла къууан.
Ариуну – ауруу кёб.
Аллахдан тилесенг, кёб тиле.
Ариу – кёзге, акъыл – джюрекге.
Иесиз малны бёрю ашар.
Кийиминг бла танылма, адамлыкъ бла таныл.
Татлы сёз – балдан татлы.
Къарнынг бла ёч алма.
Азыгъы аз, алгъа къабар, аты аман, алгъа чабар.
Ишни ахырын ойламай, аллын башлама.
Адам сёзюнден белгили.
Онгсузну – джакъла, тенгликни – сакъла.
Келгинчи, къонакъ уялыр, келгенден сора, къонакъбай уялыр.
Дуния мал дунияда къалады.
Тура эдим джата, къайдан чыкъды хата?
Акъылсызны джууукъгъа алма, акъыллыны кенгнге салма.
Ашхы болсанг, атынг чыгъар, аман болсанг, джанынг чыгъар.
Дженгил джетерикме деб, узун джолну къоюб, къысхасын барма.
Тынгылагъан тынгы бузар.
Къайгъыны сюйген, къайгъы табар.
Душманны тышы – акъ, ичи – къара.
Агъач – джерни чырайы, кийим – эрни чырайы.
Адебсиз адам – джюгенсиз ат.
Ачыкъ джюрекге джол – ачыкъ.
Сёз садакъдан кючлюдю.
Бал чибинни ургъаны – ачы, балы – татлы.
Къартны бурнун сюрт да, оноугъа тут.
Малны кют, джерни тюрт.
Иги адам абынса да, джангылмаз.
Къызны минг тилер, бир алыр.
Мураты болгъанны джюрек тебюую башхады.
Келлик заман – къартлыкъ келтирир, кетген заман – джашлыкъ ёлтюрюр.
Аллахха ийнаннган кишини, Аллах онгдурур ишин.
Эринчекни эр алмаз, эр алса да, кёл салмаз, кёл салса да, кёб бармаз!
Ёксюзню къалачы уллу кёрюнюр.
Нарт сёз къарт болмаз.
Адамны бетине къарама, адетине къара.
Артына баргъанны, къатына барма.
Эли джокъну – кёлю джокъ.
Окъугъанны бети джарыкъ.
Нёгерсизни джолу узун.
Къая джолда джортма, ачыкъ сёзден къоркъма.

Логин:	Регистрация

Пароль:	Забыли пароль?

Запомнить меня

Аудио

Джёгетей (группа)

Скачать

Адрес