Аудио :: Аудио:: Ногайлиев-Карамурзин Маджит

Аш берме да, къаш бер.
Кийимни бичсенг, кенг бич, тар этген къыйын тюлдю.
Таякъ этден ётер, тил сюекден ётер.
Кёзю сокъурдан – къоркъма, кёлю сокъурдан – къоркъ.
Билмейме деген – бир сёз
Арыгъан къош чамчы болур.
Чакъырылмай келген къонакъ сыйланмай кетер.
Юре билмеген ит, къонакъ келтирир.
Юй ишлеген балта эшикде къалыр.
Ариу сёзде ауруу джокъ.
Нарт сёз – тилни бети.
Ауурну тюбю бла, дженгилни башы бла джюрюген.
Ургъан суудан башынгы сакъла.
Адам сёзюнден белгили.
Адебни адебсизден юрен.
Эки элинги тыйсанг, джети элде махталырса.
Джолда аягъынга сакъ бол, ушакъда тилинге сакъ бол.
Ёлген эшек бёрюден къоркъмайды.
Ашхы болсанг, атынг чыгъар, аман болсанг, джанынг чыгъар.
Ишленмеклик адамлыкъды.
Гугурук къычырмаса да, тангны атары къалмаз.
Адамны аты башхача, акъылы да башхады.
Байлыкъ болгъан джерде, тынчлыкъ джокъду.
Этни бети бла шорпасы.
Ашха уста, юйюнде болсун
Мал тутхан – май джалар.
Экеу тутушса, биреу джыгъылыр.
Биреуню тёрюнден, кесинги эшик артынг игиди.
Бюгюн дуния кибик, тамбла ахыратды.
Тилсиз миллет джокъ болур.
Джарлыны эшигин махтагъан джабар.
Байлыкъ тауусулур, билим тауусулмаз.
Татлы сёз – балдан татлы.
Ач келгенни – тойдур, кеч келгенни – къондур.
Билген билмегенни юретген адетди.
Къан бла кирген, джан бла чыгъар.
Кечеси – аяз, кюню – къыш, джарлы къаргъагъа бир аш тюш!
Накъырданы арты керти болур.
Аманнга игилик этсенг, юйюнге сау бармазса.
Аман киши кеси юйюнде – къонакъ.
Аманнга алтын чыдамаз.
Къар – келтирди, суу – элтди.
Джаным-тиним – окъуу, билим.
Келгинчи, къонакъ уялыр, келгенден сора, къонакъбай уялыр.
Тура эдим джата, къайдан чыкъды хата?
Билмезни кёзю кёрмез, этмезни къулагъы эшитмез.
Билим ат болуб да чабар, къуш болуб да учар.
Ким бла джюрюсенг, аны кёзю бла кёрюнюрсе.
Оюмсуз атлагъан, аджалсыз ёлюр.
Сибиртки да сыйлы болду, кюрек да кюнлю болду.

Логин:	Регистрация

Пароль:	Забыли пароль?

Запомнить меня

Аудио

Ногайлиев-Карамурзин Маджит

Скачать

Адрес