Песен: 13 Создан:
06.05.2015 Обновлен:
06.05.2015
| 9 Сентября | 2026 года |
Навигация
- Кёбден умут этиб, аздан къуру къалма.
- Ата джурт – алтын бешик.
- Ауругъаннга – кийик саулукъ, джетген къызгъа – чилле джаулукъ.
- Таукел тауну аудурур.
- Игиге айтсанг – билир, аманнга айтсанг – кюлюр.
- Ёлген эшек бёрюден къоркъмайды.
- Аз сёлеш, кёб ишле.
- Бал ашаргъа сюе эсенг, чибин ургъаннга тёз.
- Ач къалгъандан, кеч къалгъан къолай.
- Акъыллы эркиши атын махтар, акъылсыз эркиши къатынын махтар.
- Къууут – джелге, берне – бошха.
- Къая джолда джортма, ачыкъ сёзден къоркъма.
- Къонакъны къачан кетерин сорма, къачан келлигин сор.
- Джашны джигитлиги сорулур, къызны джигерлиги сорулур.
- Ойнай билмеген, уруб къачар.
- Тойгъа алгъа да барма, тойда артха да къалма.
- Дуния мал дунияда къалады.
- Окъуу – билимни ачхычы, окъуу – дунияны бачхычы.
- Аманнга да, игиге да оноусуз къатышма.
- Билимден уллу байлыкъ джокъду.
- Тилчиден кери бол.
- Аманны эки битли тону болур, бирин сеннге кийдирир, бирин кеси киер.
- Ишни аллы бла къууанма да, арты бла къууан.
- Шекер бла туз – бир болмаз, ушамагъан – юй болмаз.
- Къонакъ болсанг, ийнакъ бол.
- Биреу къой излей, биреу той излей.
- Кийимни бичсенг, кенг бич, тар этген къыйын тюлдю.
- Сёз – кюмюш, джыр – алтын.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Эринчекге кюн узун.
- Кесине гебен этелмеген, биреуге черен эте эди.
- Рысхы – насыбха къор.
- Къайтырыкъ эшигинги, къаты уруб чыкъма.
- Ачыу алгъа келсе, акъыл артха къалады.
- Билимли ёлмез, билимсиз кёрмез.
- Джангыз терек къынгыр ёсер.
- Иги болса, тамадама – махтау, аман болса, меннге – айыб.
- Аллахдан тилесенг, кёб тиле.
- Ханнга да келеди хариблик.
- Уллу айтханны этмеген – уллаймаз.
- Билеги кючлю, бирни джыгъар, билими кючлю, мингни джыгъар.
- Къатын байлыкъны сюер, эр саулукъну сюер.
- Акъылсызны джууукъгъа алма, акъыллыны кенгнге салма.
- Чомартха хар кюн да байрамды.
- Бетинги сатма, малынгы сат.
- Байны оноуу, джарлыгъа джарамаз.
- Кюлме джашха – келир башха.
- Суу кетер, таш къалыр.
- Къобан да къуру да къобханлай турмайды, адам да къуру да патчахлай турмайды.
- Ач – эснер, ат – кишнер.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
