Аудио :: Аудио:: Жашуев Башир

Ашыкъгъан cуу, тенгизге джетмез.
Билимли ёлмез, билимсиз кёрмез.
Чомарт бергенин айтмаз.
Керек ташны ауурлугъу джокъ.
Къарны аманнга къазан такъдырма, къолу аманнга от джакъдырма.
Чоюнну башы ачыкъ болса, итге уят керекди.
Къарт айтханны этмеген, къартаймаз.
Ач, тоймам, дейди, тойгъан, ач болмам, дейди.
Артына баргъанны, къатына барма.
Келгинчи, къонакъ уялыр, келгенден сора, къонакъбай уялыр.
Къуллукъчума, деб махтанма, къуллукъ – хаух джамчыды!
Къайтырыкъ эшигинги, къаты уруб чыкъма.
Хантына кёре тузу, юйюне кёре къызы.
Хатерли къул болур.
Адам бла мюлк юлешмеген эсенг, ол адамны билиб бошагъанма, деб кесинги алдама.
Алим болгъандан эсе, адам болгъан къыйынды.
Чёбню кёлтюрсенг, тюбюнден сёз чыгъар.
Ишленмеген джаш – джюгенсиз ат, ишленмеген къыз – тузсуз хант.
Окъ къызбайны джокълайды.
Кесинге джетмегенни, кёб сёлешме.
Мадар болса, къадар болур.
Адам къыйынлыгъын кёлтюрюр, зауукълугъун кёлтюрмез.
Эшекни не къадар тюйсенг да, ат болмаз.
Билими азны – ауузунда кирит.
Ауругъаннга – кийик саулукъ, джетген къызгъа – чилле джаулукъ.
Рысхысына кёре, джаш ёсер, къышлыгъына кёре, мал ёсер.
Алма терегинден кери кетмез.
Ёмюрлюк шохлукъну джел элтмез.
Тойгъан джерге джети къайт.
Джаш къарыу бла кючлю, къарт акъыл бла кючлю.
Джашлыкъ этмеген, башлыкъ этмез.
Тилчи бир сагъатха айлыкъ хата этер.
Къулакъдан эсе, кёзге ышан.
Экеу тутушса, биреу джыгъылыр.
Терслик кетер, тюзлюк джетер.
Адам боллукъ, атламындан белгили болур.
Къазанда болса, чолпугъа чыгъар.
Тёрде – темир таякълы, къаяда – чыпчыкъ аякълы.
Джырчы ёлсе, джыры къалыр.
Эркиши – от, тиширыу – суу.
Ана къолу ачытмаз.
Джангыз торгъай джырламаз.
Ашарыкъда сайлагъаннга – чий гырджын.
Таш ата билмеген, башына урур.
Орундукъ тюбюнде атылсам да, орта джиликме, де да айлан.
Кюл тюбюндеги от кёрюнмейди.
Малны кют, джерни тюрт.
Къарнынг бла ёч алма.
Эри аманны, къатыны – аман.
Джарашыу сюйген – джалынчакъ.

Логин:	Регистрация

Пароль:	Забыли пароль?

Запомнить меня

Аудио

Жашуев Башир

Скачать

Адрес