Аудио :: Аудио:: Жашуев Башир

Ургъан суудан башынгы сакъла.
Ёпкелегенни ашы татлы болады.
Кёз – сюйген джерде, къол – ауругъан джерде.
Керек ташны ауурлугъу джокъ.
Баргъанынга кёре болур келгенинг.
Адамгъа аман кюн соруб келмейди.
Ишлегенден, къарагъан уста.
Къая джолда джортма, ачыкъ сёзден къоркъма.
Суу кетер, таш къалыр.
Юре билмеген ит, къонакъ келтирир.
Хар сёзню орну барды.
Кёзден кетген, кёлден да кетеди.
Джарлыны тону джаз битер.
Сёз сёзню айтдырыр.
Джиби бир къат джетмей эди да, эки къат тарта эди.
Джерни букъусу кёкге къонмаз.
Къартны бурнун сюрт да, оноугъа тут.
Джашынгы кесинг юретмесенг, джашау юретир.
Ашаса, ашамаса да, бёрюню ауузу – къан.
Ач къарынны, токъ билмез
Ашхы адам – халкъ байлыгъы, ашхы джер – джашау байлыгъы.
Тиширыусуз юй – отсуз от джагъа.
Окъуусуз билим – джокъ, билимсиз кюнюнг – джокъ.
Алим болгъандан эсе, адам болгъан къыйынды.
Сормай – алма, чакъырылмай – барма.
Арбаз къынгырды да, ийнек сауалмайма.
Тёрде – темир таякълы, къаяда – чыпчыкъ аякълы.
Ауругъанны сау билмез, ач къарынны токъ билмез.
Кийиминг бла танылма, адамлыкъ бла таныл.
Адам боллукъ, атламындан белгили болур.
Иги сёз – джаннга азыкъ, аман сёз башха – къазыкъ.
Орундукъ тюбюнде атылсам да, орта джиликме, де да айлан.
Чабар ат – джетген къыз.
Арбаз сайлама да, хоншу сайла.
Акъыллы айтыр эди, акъылсыз къоймайды.
Къартны сыйын кёрмеген, къартлыгъында сыйлы болмаз.
Хунаны тюбюн къазсанг, юсюнге ауар.
Ёзденликни кёбю ётюрюк.
Ачылгъан эт джабылыр, кёрген кёз унутмаз.
Уллу айтханны этмеген – уллаймаз.
Къошда джокъгъа – юлюш джокъ.
Аууздан келген, къолдан келсе, ким да патчах болур эди.
Ашыкъгъанны этеги бутуна чырмалыр.
Эркишини аманы тиширыуну джылатыр.
Тин – байлыгъынг, терен саулугъунг.
Тилсиз миллет джокъ болур.
Биреу ашаб къутулур, биреу джалаб тутулур.
Къызын тута билмеген, тул этер, джашын тута билмеген, къул этер.
Аман адам элни бир-бирине джау этер.
Къонакъ аз олтурур, кёб сынар.

Логин:	Регистрация

Пароль:	Забыли пароль?

Запомнить меня

Аудио

Жашуев Башир

Скачать

Адрес