Аудио :: Аудио:: Текуев Амур

Аллахха ийнаннган кишини, Аллах онгдурур ишин.
Аджал соруб келмез, келсе, къайтыб кетмез.
Къарын къуру болса, джюрек уру болур.
Бек ашыкъгъан меннге джетсин, дегенди аракъы.
Ашына кёре табагъы, балына кёре къалагъы.
Кёб джашагъан – кёб билир.
Джигер – джаннга къыйынлыкъ.
Аман къатын алгъан, арыр, иги къатын алгъан джарыр.
Къарнынг бла ёч алма.
Нафысынгы айтханын этме, намысынгы айтханын эт.
Тёгюлген тюгел джыйылмайды.
Ёлген эшек бёрюден къоркъмайды.
Эринчекге кюн узун.
Ишни аллы бла къууанма да, арты бла къууан.
Битмегеннге сакъал – танг.
Алтыннга тот къонмаз.
Кийиминг бла танылма, адамлыкъ бла таныл.
Окъ къызбайны джокълайды.
Ариу сёзде ауруу джокъ.
Билим къая тешер.
Къошда джокъгъа – юлюш джокъ.
Эм ашхы къайын ана мамукъ бла башынгы тешер.
Къазанда болса, чолпугъа чыгъар.
Рысхы – сют юсюнде кёмюк кибикди.
Таугъа чыгъаллыкъ эсенг, тюзде къалма.
Ёпкелегенни ашы татлы болады.
Къарнынг къанлынга кийирир.
Джашны джигитлиги сорулур, къызны джигерлиги сорулур.
Къатын къылыкъсыз, эр тынчлыкъсыз.
Чабакъгъа акъыл, табагъа тюшсе келеди.
Аман адам этегингден тутса, кес да къач.
Чабакъсыз кёлге къармакъ салгъанлыкъгъа, чабакъ тутмазса.
Окъугъан озар, окъумагъан тозар.
Башы ишлегенни, ауузу да ишлер.
Мал кёб болса, джууукъ кёб болур.
Намысы джокъну – дуниясы джокъ.
Акъыл бла адеб эгизледиле.
Атлыны кёрсе, джаяуну буту талыр.
Адам туугъан джеринде, ит тойгъан джеринде.
Ойнай-ойнай кёз чыгъар.
Къартны сыйын кёрмеген, къартлыгъында сыйлы болмаз.
Тамбла алтындан бюгюн багъыр ашхы.
Башы джабылгъан челекге, кир тюшмез.
Дженгил джетерикме деб, узун джолну къоюб, къысхасын барма.
Сёз къанатсыз учар.
Ата Джуртун танымагъан, атасын да танымаз.
Эртде тургъан бла эртде юйленнген сокъуранмаз.
Тойгъан антын унутур.
Ушамагъан – джукъмаз.
Мал тутхан – май джалар.

Логин:	Регистрация

Пароль:	Забыли пароль?

Запомнить меня

Аудио

Текуев Амур

Скачать

Адрес