Песен: 17 Создан:
06.05.2015 Обновлен:
06.05.2015
| 18 Апреля | 2026 года |
Навигация
- Арбаз къынгырды да, ийнек сауалмайма.
- Къарыусузгъа кюлме, онгсузгъа тийме.
- Окъдан джара эртде-кеч болса да бителир, сёз джара, ёмюрге къалыр.
- Намысы болмагъанны, сыйы болмаз.
- Бетинги сатма, малынгы сат.
- Ёлмесенг да, къарт дамы болмазса?
- Кёкдеги болмаса, джердегин кёрмейди.
- Рысхы – сют юсюнде кёмюк кибикди.
- Байны къызы баймакъ болса да, юйде къалмаз!
- Къатыны харакетли болса, эри къымсыз болур.
- Аш берме да, къаш бер.
- Ойнай билмеген, оюн бузар.
- Ач – эснер, ат – кишнер.
- Джашлыкъ этмеген, башлыкъ этмез.
- Сёлеш деб шай берген, тохта деб, сом берген.
- Биреуге аманлыкъны тилеме да, кесинге ашхылыкъны тиле.
- Адамны аты башхача, акъылы да башхады.
- Иги джашны ышаны – аз сёлешиб, кёб тынгылар.
- Шайтан алдады, тюзлюк къаргъады.
- Суу да къайтады чыкъгъан джерине.
- Ашлыкъны арба юйге келтирир, чана базаргъа элтир.
- Адам сёзге тынгыла, акъыл сёзню ангыла.
- Гыдай эчки суугъа къараб, мюйюзле кёрмесе, джашма алкъын, дегенди.
- Джылыгъа джылан илешир.
- Эрни эр этерик да, къара джер этерик да, тиширыуду.
- Ачыкъ джюрекге джол – ачыкъ.
- Гугук кесини атын айтыб къычыргъанча, мен, мен деб нек тураса?
- Мал тутхан – май джалар.
- Мал кёб болса, джууукъ кёб болур.
- Къызын тута билмеген, тул этер, джашын тута билмеген, къул этер.
- Арба аугъандан сора, джол кёргюзтюучю кёб болур.
- Иги – алгъыш этер, аман – къаргъыш этер.
- Таукел адам тау тешер.
- Джюрекден джюрекге джол барды.
- Сескекли кесин билдирир.
- Кийиминг бла танылма, адамлыкъ бла таныл.
- Джеринден айырылгъан – джети джылар, джуртундан айырылгъан – ёлгюнчю джылар.
- Мал ёлсе, сюек къалыр, адам ёлсе, иши къалыр.
- Къарнынг къанлынга кийирир.
- Эллинг бла джау болсанг да, юйюнг бла джау болма.
- Эркишиге тары кебек танг кёрюнюр.
- Тил – кесген бычакъ, сёз – атылгъан окъ.
- Туз, гырджын аша, тюзлюк бла джаша.
- Кийимни бичсенг, кенг бич, тар этген къыйын тюлдю.
- Джашынгы кесинг юретмесенг, джашау юретир.
- Окъугъан – асыу, окъумагъан – джарсыу.
- Ана къолу ачытмаз.
- Къартны бурнун сюрт да, оноугъа тут.
- Хаухну атма, ёнгкючню сатма.
- Ишни аллы бла къууанма да, арты бла къууан.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
