Аудио :: Аудио:: Загаштокова Фатима

Эм уллу байлыкъ – джан саулукъ.
Ашда уялгъан – мухар, ишде уялгъан – хомух.
От кюйдюрген, сау болса да, тот кюйдюрген, сау болмаз.
Кёзю сокъурдан – къоркъма, кёлю сокъурдан – къоркъ.
Кийим тукъум сордурур.
Акъыллы – эл иеси, тели – эл баласы.
Къарнынг бла ёч алма.
Джауумдан сора, кюн кюйдюрюр, ётюрюкден сора, айыб кюйдюрюр.
Иги адамны бир сёзю эки болмаз.
Билим ат болуб да чабар, къуш болуб да учар.
Арбаз сайлама да, хоншу сайла.
Къатыны харакетли болса, эри къымсыз болур.
Тилчи тилден къаныкъмаз.
Эркишиге тары кебек танг кёрюнюр.
Юреннген ауруу къалмаз.
Тюзлюк шохлукъну бегитир.
Керек ташны ауурлугъу джокъ.
Эрни эр этерик да, къара джер этерик да, тиширыуду.
Биреу къой излей, биреу той излей.
Джырына кёре эжиую.
Сакъламагъан затынга джолукъсанг, не бек къууанаса, не бек ачыйса.
Ашхы сёз таш тешер.
Суугъа – таянма, джаугъа – ийнанма.
Ауругъан – джашаудан умутчу.
Тёрдеги кюлсе, эшикдеги ышарыр.
Бети – къучакълар, джюреги – бычакълар.
Джаным-тиним – окъуу, билим.
Алгъанда – джууукъ, бергенде – джау.
Аш берме да, къаш бер.
Аллахха ийнаннган кишини, Аллах онгдурур ишин.
Эр абынмай, эл танымаз.
Игиге айтсанг – билир, аманнга айтсанг – кюлюр.
Магъанасыз сёз – тауушсуз сыбызгъы.
Этни бети бла шорпасы.
Ётюрюкню башын керти кесер.
Эл ауузу – элия.
Тойгъа барсанг, тоюб бар, эски тонунгу къоюб бар.
Борчунг бар эсе, хурджунунга ойлаб узал.
Хар ишни да аллы къыйынды.
Сабийликде юретмесенг, уллу болса – тюзелмез.
Сёз къанатсыз учар.
Дженгил джетерикме деб, узун джолну къоюб, къысхасын барма.
Кёл ашады да, кеси ашады.
Атлыны ашхысы, ат тизгининден билинир
Чомарт къонакъ юй иесин сыйлар.
Аманны къуугъан, аманлыкъ табар.
Къолу уллу – асыу, аягъы уллу – джарсыу.
Кёбден умут этиб, аздан къуру къалма.
Адам къаллай бир ишленмесе, аллай бир кесин уллу кёреди.
Кютгени беш эчки, сызгъыргъаны уа, джерни джарады.

Логин:	Регистрация

Пароль:	Забыли пароль?

Запомнить меня

Аудио

Загаштокова Фатима

Скачать

Адрес