Песен: 1 Создан:
06.05.2015 Обновлен:
06.05.2015
| 8 Сентября | 2026 года |
Навигация
- Ишлемеген – тишлемез.
- Ышармагъан – кюлмез, кюлмеген – къууанчны билмез.
- Шекер бла туз – бир болмаз, ушамагъан – юй болмаз.
- Айырылмаз джууугъунга, унутмаз сёзню айтма.
- Тау башында, тау болмаз, джангыз терек, бау болмаз.
- Шапа кёб болса, аш татымсыз болур.
- Экеу тутушса, биреу джыгъылыр.
- Ат да турмайды бир териде.
- Джети тилни билген джети кишиди.
- Къазанда болса, чолпугъа чыгъар.
- Экеулен сёлеше тура эселе, орталарына барыб кирме.
- Кёл – къызбай, къол – батыр.
- Эринчекни аурууу – кёб.
- Эл ауузу – элек, анга ийнаннган – халек.
- Бозанг болмагъан джерге, къалагъынгы сукъма.
- Ёнгкюч къууана барыр, джылай келир.
- Джаз бир кюнню джатсанг, къыш талай кюнню абынырса.
- Мал кёб болса, джууукъ кёб болур.
- Иги джашны ышаны – аз сёлешиб, кёб тынгылар.
- Иги сёз – джаннга азыкъ, аман сёз башха – къазыкъ.
- Кесине гебен этелмеген, биреуге черен эте эди.
- Чоюнну башы ачыкъ болса, итге уят керекди.
- Азыкъ аз болса, эртде орун сал.
- Сакъалы текени да бар, мыйыгъы киштикни да бар.
- Эртде тургъан джылкъычыны эркек аты тай табар.
- Хатерли къул болур.
- Ургъан суудан башынгы сакъла.
- Уллу атлама – абынырса, уллу къабма – къарылырса.
- Ишленмеклик адамлыкъды.
- Тик ёргени, тик энгишгеси да болады.
- Илму – джашауну джолу.
- Тойгъа алгъа да барма, тойда артха да къалма.
- Башланнган иш битер, къымылдагъан тиш тюшер.
- Тамырсыз терекге таянма – джыгъылырса.
- Тилчи тилден къаныкъмаз.
- Керек ташны ауурлугъу джокъ.
- Ашатыргъа иш – ашхы, ишлетирге аш – ашхы.
- Эки итни арасына сюек атма, эки адамны арасында сёз чыгъарма.
- Ётюрюкню башын керти кесер.
- Уллу къашыкъ эрин джыртар.
- Сагъышы джокъ – джукъучу, акъылы джокъ – къаугъачы.
- Къызны минг тилер, бир алыр.
- Иги сеники эсе да, сюйген кесимикин этеме.
- Рысхы – насыбха къор.
- Кийим тукъум сордурур.
- Ауругъанны сау билмез, ач къарынны токъ билмез.
- Аууз сакълагъан – джан сакълар.
- Джыйырма къойну юч джыйырма эбзе кюте эди.
- Хантына кёре тузу, юйюне кёре къызы.
- Узун джолну барсанг, бюгюн келирсе, къысха джолну барсанг, тамбла келирсе.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
