Аудио :: Аудио:: Гаев Тахир

Хата – гитчеден.
Джуртун къоругъан озар.
Джаз бир кюнню джатсанг, къыш талай кюнню абынырса.
Сабий болмагъан джерде, мёлек болмаз.
Айыбны суу бла джууалмазса.
Биреуню тёрюнден, кесинги эшик артынг игиди.
Къарыусузгъа кюлме, онгсузгъа тийме.
Кесинге джетмегенни, кёб сёлешме.
Къайгъыны сюйген, къайгъы табар.
Гыдай эчки суугъа къараб, мюйюзле кёрмесе, джашма алкъын, дегенди.
Эллинг бла джау болсанг да, юйюнг бла джау болма.
Туз, гырджын аша, тюзлюк бла джаша.
Тойгъан антын унутур.
Рысхысына кёре, джаш ёсер, къышлыгъына кёре, мал ёсер.
Ач уят къоймаз.
Суугъа – чабакъ, къаягъа – ыргъакъ.
Кёрмегеннге кебек – танг, битмегеннге сакъал – танг.
Чарсда алчыны эл кёреди.
Ёксюзню къалачы уллу кёрюнюр.
Бал ашаргъа сюе эсенг, чибин ургъаннга тёз.
Хоншуну тауугъу къаз кёрюнюр, келини къыз кёрюнюр.
Тойгъа барсанг, тоюб бар, эски тонунгу къоюб бар.
Рысхы – сют юсюнде кёмюк кибикди.
Къулакъдан эсе, кёзге ышан.
Хатерли къул болур.
Чомартны къолун джокълукъ байлар.
Тин – байлыгъынг, терен саулугъунг.
Ашын ашагъанынгы, башын да сыйла.
Намысы болмагъанны, сыйы болмаз.
Къар – келтирди, суу – элтди.
Къатын байлыкъны сюер, эр саулукъну сюер.
Арбаз къынгырды да, ийнек сауалмайма.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Сютден ауузу кюйген, суугъа юфгюре эди.
Джаш болсун, къыз болсун, акъылы, саны тюз болсун.
Мухардан ач ычхынмаз.
Биреу къой излей, биреу той излей.
Арбаз сайлама да, хоншу сайла.
Къонакъны къачан кетерин сорма, къачан келлигин сор.
Алма терегинден кери кетмез.
Аман эсирсе, юйюн ояр.
Иги адамны бир сёзю эки болмаз.
Эл ауузу – элек, анга ийнаннган – халек.
Хар ишни да аллы къыйынды.
Джауумдан сора, кюн кюйдюрюр, ётюрюкден сора, айыб кюйдюрюр.
Арба аугъандан сора, джол кёргюзтюучю кёб болур.
Кюл тюбюндеги от кёрюнмейди.
Тилчи бир сагъатха айлыкъ хата этер.
Игиге айтсанг – билир, аманнга айтсанг – кюлюр.
Чыкълы кюнде чыкъмагъан, чыкъса къуру кирмеген.

Логин:	Регистрация

Пароль:	Забыли пароль?

Запомнить меня

Аудио

Гаев Тахир

Скачать

Адрес