Аудио :: Аудио:: Токова Альбина

Ышармагъан – кюлмез, кюлмеген – къууанчны билмез.
Уллу къашыкъ эрин джыртар.
Итли къонакъ джарашмаз.
Аз сёлешген, къайгъысыз турур.
Къоркъакъны кёзю экили кёрюр.
Джылыгъа джылан илешир.
Аманнга игилик этсенг, юйюнге сау бармазса.
Ариу сёз аурууунгу алыр.
Хар зат кесини орнуна иги.
Таукел адам тау тешер.
Ана – юйню кюн джарыгъы.
Тас болгъан бычакъны сабы – алтын.
Джол бла сёзню къыйыры джокъ.
Экеу тутушса, биреу джыгъылыр.
Мадар болса, къадар болур.
Эл ауузу – элия.
Тура эдим джата, къайдан чыкъды хата?
Аманны къуугъан, аманлыкъ табар.
Тели турса – той бузар.
Ишленмеген джаш – джюгенсиз ат, ишленмеген къыз – тузсуз хант.
Ойнай билмеген, уруб къачар.
Айыбны суу бла джууалмазса.
Элде адам къалмаса, ит тахтагъа минер.
Илму – джашауну джолу.
Ач бёрюге мекям джокъ.
Акъыл бла адеб эгизледиле.
Сёлеш деб шай берген, тохта деб, сом берген.
Насыб бютеу халкъны юлюшюдю.
Джыгъылгъанны сырты джерден тоймаз.
Сабыр джетер муратха, сабырсыз къалыр уятха.
Билимли ёлмез, билимсиз кёрмез.
Чарсда алчыны эл кёреди.
Ётюрюкню башын керти кесер.
Аууздан келген, къолдан келсе, ким да патчах болур эди.
Ач къарынны, токъ билмез
Джарлыны эшигин махтагъан джабар.
Джангызны оту джарыкъ джанмаз!
Ачлыкъ отха секиртир.
Ашхы сёз таш тешер.
Сагъышы джокъ – джукъучу, акъылы джокъ – къаугъачы.
Терслик кетер, тюзлюк джетер.
Эм ашхы къайын ана мамукъ бла башынгы тешер.
Адамны аманы адамны бети бла ойнар.
Берекет берсин деген джерде, берекет болур.
Ариуну – ауруу кёб.
Соргъан айыб тюлдю, билмеген айыбды.
Джахил болса анасы, не билликди баласы?
Тенгинг джокъ эсе – изле, бар эсе – сакъла!
Тыш элде солтан болгъандан эсе, кесинги элде олтан болгъан игиди!
Акъыл аздырмаз, билим тоздурмаз.

Логин:	Регистрация

Пароль:	Забыли пароль?

Запомнить меня

Аудио

Токова Альбина

Скачать

Адрес