Аудио :: Аудио:: Токова Альбина

Чабакъгъа акъыл, табагъа тюшсе келеди.
Дуния аламаты сен эсенг да, игиме деб айтма.
Чомартха хар кюн да байрамды.
Къуру гыбыт бек дыгъырдар.
Агъач халкъгъа алтынды, иссиликге салкъынды.
Кеси юйюмде мен да ханма.
Кёзню ачылгъаны – иги, ауузну джабылгъаны – иги.
Тилде сюек болмаса да, сюек сындырыр.
Адамны аты башхача, акъылы да башхады.
Къарнынг бла ёч алма.
Аманны эки битли тону болур, бирин сеннге кийдирир, бирин кеси киер.
Адамны бетине къарама, адетине къара.
Ана къолу ачытмаз.
Нафысынгы айтханын этме, намысынгы айтханын эт.
«Ёгюз, джаргъа джууукъ барма, меннге джюк боллукъса», - дегенди эшек.
Ишни ахырын ойламай, аллын башлама.
Айтханы чапыракъдан ётмеген.
Минг тенг да азды, бир джау да кёбдю.
Элиб деген, элге болушур.
Ёлюр джаннга, ёкюл джокъ.
Мухарны эси – ашарыкъда.
Чомарт бергенин айтмаз.
Келгинчи, къонакъ уялыр, келгенден сора, къонакъбай уялыр.
Биреуню къыйынлыгъы бла кесинге джол ишлеме.
Ач, тоймам, дейди, тойгъан, ач болмам, дейди.
Аман адамны тепсинге олтуртсанг, къызынгы тилер.
Ариу сёз джыланны орнундан чыгъарыр.
Джогъун бар этген, барын бал этген.
Адеб этмеген, адеб кёрмез.
Ата – билек, ана – джюрек!
Биреуге аманлыкъны тилеме да, кесинге ашхылыкъны тиле.
Бёрю да ач къалмасын, эчки да ашалмасын.
Къайгъы тюбю – тенгиз.
Эки элинги тыйсанг, джети элде махталырса.
Сютню башын джалагъан къутулур, тюбюн ичген тутулур.
Эл тойса, тоймагъан, эл къойса, къоймагъан.
Къолунгдан къуймакъ ашатсанг да, атаны борчундан къутулмазса.
Чомартха Тейри да борчлуду.
Адамны джюреги нени кёрюрге сюйсе, кёзю да аны кёрюрге ёч болады.
Адам бла мюлк юлешмеген эсенг, ол адамны билиб бошагъанма, деб кесинги алдама.
Иги джашны ышаны – аз сёлешиб, кёб тынгылар.
Кесинге джетмегенни, кёб сёлешме.
Чабакъсыз кёлге къармакъ салгъанлыкъгъа, чабакъ тутмазса.
Аш кетер да бет къалыр.
Тилчи бир сагъатха айлыкъ хата этер.
Къарны аманнга къазан такъдырма, къолу аманнга от джакъдырма.
Соргъан айыб тюлдю, билмеген айыбды.
Ышармагъан – кюлмез, кюлмеген – къууанчны билмез.
Ариу – кёзге, акъыл – джюрекге.
Сакъалы текени да бар, мыйыгъы киштикни да бар.

Логин:	Регистрация

Пароль:	Забыли пароль?

Запомнить меня

Аудио

Токова Альбина

Скачать

Адрес