Аудио :: Аудио:: Аяз (группа)

Кёзню ачылгъаны – иги, ауузну джабылгъаны – иги.
Иги сеники эсе да, сюйген кесимикин этеме.
Къанны къан бла джуума, аманны аман бла къуума.
Джылкъыдан – ат чыгъар, тукъумдан – джаш чыгъар.
Олтуруб кёрюнмей эди да, ёрге туруб кёрюне эди.
Уллу сёлешме да, уллу къаб.
Тёрени джагъы джокъ.
Тёрде – темир таякълы, къаяда – чыпчыкъ аякълы.
Сабий болмагъан джерде, мёлек болмаз.
Насыблы элин сюер, насыбсыз кесин сюер.
Аш берме да, къаш бер.
Сакъ юйюне сау барыр.
Нёгер болсанг, тенг бол, тенг болмасанг, кенг бол.
Баш – акъыл ючюн, акъылман – халкъ ючюн.
Эки къатын алгъанны къулагъы тынгнгаймаз.
Бети къызарыучу адамны, джюреги харам болмаз.
Джахил болса анасы, не билликди баласы?
Ишлегенде эринме, ишде чолакъ кёрюнме.
Джарлы джети элни сёзюн этер.
Ашаса, ашамаса да, бёрюню ауузу – къан.
Къыз тиширыу кеси юйюнде да къонакъды.
Гугук кесини атын айтыб къычыргъанча, мен, мен деб нек тураса?
Гугурук къычырмаса да, тангны атары къалмаз.
Байлыкъдан саулукъ ашхыды.
Сормай – алма, чакъырылмай – барма.
Къалгъан ишге къар джауар.
Тенгни тенглиги джашай барсанг билинир.
Эл ауузу – элия.
Мал ёлсе, сюек къалыр, адам ёлсе, иши къалыр.
Тойгъан джерге джети къайт.
Тюкюрюк баш джармаз, налат кёз чыгъармаз!
Хатерли къул болур.
Ариу джол аджал келтирмез.
«Ма», - дегенни билмесенг, «бер», - дегенни билмезсе.
Тилде сюек болмаса да, сюек сындырыр.
Башы джабылгъан челекге, кир тюшмез.
Джангыз терек къынгыр ёсер.
Къарнынг къанлынга кийирир.
Иги адам абынса да, джангылмаз.
Джылыгъа джылан илешир.
Хар зат кесини орнуна иги.
Мухардан ач ычхынмаз.
Эм ашхы къайын ана мамукъ бла башынгы тешер.
Адам сёзге тынгыла, акъыл сёзню ангыла.
Ойнай-ойнай кёз чыгъар.
Ашхы сёз таш тешер.
Берекет берсин деген джерде, берекет болур.
Иши джокъну, сыйы джокъ.
Чабар ат – джетген къыз.
Хазыр ашха – терен къашыкъ.

Логин:	Регистрация

Пароль:	Забыли пароль?

Запомнить меня

Аудио

Аяз (группа)

Скачать

Адрес