Аудио :: Аудио:: Гузиева Дженнет

Келинин тута билмеген, къул этер, къызын тута билмеген, тул этер.
Чабар ат – джетген къыз.
Адамны аманы адамны бети бла ойнар.
Элиб деген, элге болушур.
Билим къая тешер.
Суугъа – чабакъ, къаягъа – ыргъакъ.
Ачлыкъ отха секиртир.
Аллахха ийнаннган кишини, Аллах онгдурур ишин.
Адеб джокъда, намыс джокъ.
Эки итни арасына сюек атма, эки адамны арасында сёз чыгъарма.
Ётюрюкден тюбю джокъ, кёлтюрюрге джиби джокъ.
Къаллай салам берсенг, аллай джууаб алырса.
Ёгюзню мюйюзлери ауурлукъ этмейдиле.
Сыфатында болмагъаны, суратында болмаз.
Орну джокъну – сыйы джокъ.
Чакъырылмагъан къонакъ тёрге атламаз.
Къарт болгъан джерде, берекет болур, сабий болгъан джерде, оюн болур.
Итли къонакъ джарашмаз.
Насыб бютеу халкъны юлюшюдю.
Кёбге таш атма.
Хатерли къул болур.
Уллу суу бла уллу ауруудан башынгы сакъла.
Джеринден айырылгъан – джети джылар, джуртундан айырылгъан – ёлгюнчю джылар.
Махтаннган къыз, тойда джукълар.
Намысы джокъну – дуниясы джокъ.
Къызгъанчдан ычхыныр, мухардан ычхынмаз.
Ауузу бла къуш тута айланады.
Тик ёргени, тик энгишгеси да болады.
Ишлерге уял да, ашаргъа табма.
Акъыллы башны – тили къысха.
Тёрде – темир таякълы, къаяда – чыпчыкъ аякълы.
Мал тутхан – май джалар.
Хар ишни да аллы къыйынды.
Хаухну атма, ёнгкючню сатма.
Байлыкъ келсе, акъыл кетер.
Керек ташны ауурлугъу джокъ.
Ата – билек, ана – джюрек!
Аманны тукъумуна къарама, игини тукъумун сорма.
Джогъун бар этген, барын бал этген.
Илму – джашауну джолу.
Ашхы сёз таш тешер.
Аджаллыгъа окъсуз шкок атылыр.
Азыкъ аз болса, эртде орун сал.
Чабакъ башындан чирийди.
Элде адам къалмаса, ит тахтагъа минер.
Къыйынлы джети элни къайгъысын этер.
Адеби болмагъан къыз – тузсуз хант.
Душманны тышы – акъ, ичи – къара.
Татлы сёз – балдан татлы.
Байлыкъ адамны сокъур этер.

Логин:	Регистрация

Пароль:	Забыли пароль?

Запомнить меня

Аудио

Гузиева Дженнет

Скачать

Адрес