Аудио :: Аудио:: Аппаев Ислам

Харам къарнашдан, халал тенг ашхы.
Кенгеш болса, уруш болмаз.
Мал тутхан – май джалар.
Ётюрюкню башын керти кесер.
Эри аманны, къатыны – аман.
Бастасын ашагъан, хантусун да ичер.
Аджаллыгъа окъсуз шкок атылыр.
Уллу къашыкъ эрин джыртар.
Азыкъ аз болса, эртде орун сал.
Кюл тюбюндеги от кёрюнмейди.
Эртде тургъан бла эртде юйленнген сокъуранмаз.
Ачыу алгъа келсе, акъыл артха къалады.
Ата – баланы уясы.
Акъыл аздырмаз, билим тоздурмаз.
Билмегенинги, билгеннге сор.
Акъыллы башны – тили къысха.
Тенгинг джокъ эсе – изле, бар эсе – сакъла!
Адебсиз адам – джюгенсиз ат.
Сакъламагъан затынга джолукъсанг, не бек къууанаса, не бек ачыйса.
Аууз сакълагъан – джан сакълар.
Телини эшигин, махтау джабар.
Нарт сёз къарт болмаз.
Сютден ауузу кюйген, суугъа юфгюре эди.
Кёзюнде тереги болгъан, чёбю болгъаннга кюле эди.
Тёзген – тёш ашар!
Бети къызарыучу адамны, джюреги харам болмаз.
Адам бла мюлк юлешмеген эсенг, ол адамны билиб бошагъанма, деб кесинги алдама.
Алма терегинден кери кетмез.
Бёрю да ач къалмасын, эчки да ашалмасын.
Ач – эснер, ат – кишнер.
Ишленмеклик адамлыкъды.
Бозанг болмагъан джерге, къалагъынгы сукъма.
Къонакъ кёб келюучю юйню, къазаны отдан тюшмез.
Айтхан – тынч, этген – къыйын.
Къонакъ болсанг, ийнакъ бол.
Тюзню ётмеги тюзде къалса да, тас болмаз.
Чабакъ башындан чирийди.
Азыкълы ат арымаз, къатыны аман джарымаз.
Байлыкъ болгъан джерде, тынчлыкъ джокъду.
Джылкъыдан – ат чыгъар, тукъумдан – джаш чыгъар.
Къууут – джелге, берне – бошха.
Джеринден айырылгъан – джети джылар, джуртундан айырылгъан – ёлгюнчю джылар.
Тюкюрюк баш джармаз, налат кёз чыгъармаз!
Дуния малгъа сатылма, кесингден телиге къатылма.
Къарны аманнга къазан такъдырма, къолу аманнга от джакъдырма.
Татлы тилде – сёз ариу, чемер къолда – иш ариу.
Тюзлюк шохлукъну бегитир.
Гугук кесини атын айтыб къычыргъанча, мен, мен деб нек тураса?
Башы ишлегенни, ауузу да ишлер.
Джукъу тёшек сайламайды.

Логин:	Регистрация

Пароль:	Забыли пароль?

Запомнить меня

Аудио

Аппаев Ислам

Скачать

Адрес