Аудио :: Аудио:: Байрамуков Малик

Къар – келтирди, суу – элтди.
Баш болса, бёрк табылыр.
Ойнай-ойнай кёз чыгъар.
Кенгеш болса, уруш болмаз.
Биреуге кёлтюрген таягъынг, кесинги башынга урур.
Къыз тиширыу кеси юйюнде да къонакъды.
Арпа, будай – ащды, алтын, кюмюш а – ташды.
Джюрек кёзден алгъа кёрюр.
Тыш элде солтан болгъандан эсе, кесинги элде олтан болгъан игиди!
Аманны къуугъан, аманлыкъ табар.
Аш берме да, къаш бер.
Ишин билген, аны сыйын чыгъарады.
Суу кетер, таш къалыр.
Терслик кетер, тюзлюк джетер.
Аман къатын алгъан, арыр, иги къатын алгъан джарыр.
Ашхы сёз таш тешер.
Билим – акъылны чырагъы.
Ойнаб айтсанг да, эслеб айт.
Кийимни бичсенг, кенг бич, тар этген къыйын тюлдю.
Джарлыны эшигин махтагъан джабар.
Ашына кёре табагъы, балына кёре къалагъы.
Акъылсызны джууукъгъа алма, акъыллыны кенгнге салма.
Асхат ашлыкъ сата, юйдегиси ачдан къата.
Оюмсуз атлагъан, аджалсыз ёлюр.
Аджашхан тёгерек айланыр.
Нёгерсизни джолу узун.
Акъыл сабырлыкъ берир.
Адамны джюреги нени кёрюрге сюйсе, кёзю да аны кёрюрге ёч болады.
Бети – къучакълар, джюреги – бычакълар.
Адам сёзюнден белгили.
Джылар джаш, атасыны сакъалы бла ойнар.
Керти сёзге тёре джокъ.
Уруну арты – къуру.
Тойгъан джерге джети къайт.
Келинин тута билмеген, къул этер, къызын тута билмеген, тул этер.
Накъырда – кертини келечиси.
Насыблы элин сюер, насыбсыз кесин сюер.
Айранны сюйген, ийнек тутар.
Иги адам абынса да, джангылмаз.
Къарнынг къанлынга кийирир.
Джауумдан сора, кюн кюйдюрюр, ётюрюкден сора, айыб кюйдюрюр.
Бозанг болмагъан джерге, къалагъынгы сукъма.
Эр абынмай, эл танымаз.
Махтаннган къыз, тойда джукълар.
Адам боллукъ, атламындан белгили болур.
Ётюрюкден тюбю джокъ, кёлтюрюрге джиби джокъ.
Аман къатын сабий табса, бий болур…
Хунаны тюбюн къазсанг, юсюнге ауар.
Ишленмеген джаш – джюгенсиз ат, ишленмеген къыз – тузсуз хант.
Къошда джокъгъа – юлюш джокъ.

Логин:	Регистрация

Пароль:	Забыли пароль?

Запомнить меня

Аудио

Байрамуков Малик

Скачать

Адрес