Песен: 25 Создан:
06.05.2015 Обновлен:
06.05.2015
| 27 Июня | 2026 года |
Навигация
- Чабакъсыз кёлге къармакъ салгъанлыкъгъа, чабакъ тутмазса.
- Байны къызы баймакъ болса да, юйде къалмаз!
- Тин – байлыгъынг, терен саулугъунг.
- Чакъырылмагъан къонакъ – орунсуз.
- Экиндини кеч къылсанг, чабыб джетер ашхам.
- Къарнынг бла ёч алма.
- Берекет берсин деген джерде, берекет болур.
- Аманны эки битли тону болур, бирин сеннге кийдирир, бирин кеси киер.
- Ёзденликни кёбю ётюрюк.
- Чыбыкълыкъда бюгюлмеген, къазыкълыкъда бюгюлмей эди.
- Aдам боллукъ, сыфатындан белгили.
- Аурууну келиую тынч, кетиую – къыйын.
- Джырчы джырчыгъа – къарнаш.
- Джаханимни кёрмей, джандетге кёл салмазса.
- Магъанасыз сёз – тауушсуз сыбызгъы.
- Эл тойса, тоймагъан, эл къойса, къоймагъан.
- Келлик заман – къартлыкъ келтирир, кетген заман – джашлыкъ ёлтюрюр.
- Къарнынг къанлынга кийирир.
- Кёзю сокъурдан – къоркъма, кёлю сокъурдан – къоркъ.
- Сескекли кесин билдирир.
- Гыдай эчки суугъа къараб, мюйюзле кёрмесе, джашма алкъын, дегенди.
- Кёзден кетген, кёлден да кетеди.
- Юйюнг бла джау болгъандан эсе, элинг бла джау бол.
- Ашхы адам – халкъ байлыгъы, ашхы джер – джашау байлыгъы.
- Агъач – джерни чырайы, кийим – эрни чырайы.
- Чомарт бергенин айтмаз.
- Атадан ёксюз – бир ёксюз, анадан ёксюз – эки ёксюз.
- Кесине оноу эте билмеген, халкъына да эте билмез.
- Аллахдан тилесенг, кёб тиле.
- Аманны тукъумуна къарама, игини тукъумун сорма.
- Аманнга алтын чыдамаз.
- Эркиши – от, тиширыу – суу.
- Чабар ат – джетген къыз.
- Дуния малгъа сатылма, кесингден телиге къатылма.
- Кёбден умут этиб, аздан къуру къалма.
- Алтыда кюлмеген, алтмышда кюлмез.
- Къыз чыгъаргъан – къызыл къымжа.
- Хар адамгъа кеси миннген тау кибик.
- Акъыллы башны – тили къысха.
- Ауузу аманнга «иги», деме.
- Ашаса, ашамаса да, бёрюню ауузу – къан.
- Джаным-тиним – окъуу, билим.
- От кюйдюрген, сау болса да, тот кюйдюрген, сау болмаз.
- Адамны сыфатына къарама, сёзюне къара.
- Ашыкъгъанны этеги бутуна чырмалыр.
- Ариу сёз – къылычдан джити.
- Ач къарным, тынч къулагъым.
- Эри аманны, къатыны – аман.
- Босагъа таш юйге кирмей эди, тыбыр таш эшикге чыкъмай эди.
- Аманны къуугъан, аманлыкъ табар.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
