Аудио :: Аудио:: Аппаев Алим

Къайтырыкъ эшигинги, къаты уруб чыкъма.
Чёбню кёлтюрсенг, тюбюнден сёз чыгъар.
Бастасын ашагъан, хантусун да ичер.
Къызбайны юйюне дери сюрсенг, батыр болур.
Ишленмеклик адамлыкъды.
Кирсизни – саны таза, халалны – къаны таза.
Туз, гырджын аша, тюзлюк бла джаша.
Иесиз малны бёрю ашар.
Сагъыш – къартлыкъгъа сюйюмчю.
Джаралыны джастыгъында сау ёлюр.
Джарлы эскисин джамаса, къууаныр.
Эл тойса, тоймагъан, эл къойса, къоймагъан.
Эшекни не къадар тюйсенг да, ат болмаз.
Къалгъан ишге къар джауар.
Биреуню къыйынлыгъы бла кесинге джол ишлеме.
Ышармагъан – кюлмез, кюлмеген – къууанчны билмез.
Кесине гебен этелмеген, биреуге черен эте эди.
Биреуню тёрюнден, кесинги эшик артынг игиди.
Аджашханны ызындагъы кёреди, джангылгъанны джанындагъы биледи.
Акъыл неден да кючлюдю.
Ашарыкъда сайлагъаннга – чий гырджын.
Биреуге кёлтюрген таягъынг, кесинги башынга урур.
Адам туугъан джеринде, ит тойгъан джеринде.
Ач къалгъандан, кеч къалгъан къолай.
Ана къолу ачытмаз.
Аш иеси бла татлыды.
Джогъун бар этген, барын бал этген.
Аман адам элни бир-бирине джау этер.
Тюзлюк шохлукъну бегитир.
Ашхылыкъ джерде джатмайды, аманлыкъ суугъа батмайды.
Чакъырылмай келген къонакъ сыйланмай кетер.
Тенгни тенглиги джашай барсанг билинир.
Тау башында, тау болмаз, джангыз терек, бау болмаз.
Эллинг бла джау болсанг да, юйюнг бла джау болма.
Тил бла келеди джыр да.
Ашлыкъны арба юйге келтирир, чана базаргъа элтир.
Биреуню эскиси биреуге джангы болмайды.
Аз айтсам, кёб ангылагъыз.
Айыбны суу бла джууалмазса.
Намыс болмагъан джерде, насыб болмаз.
Агъач – джерни чырайы, кийим – эрни чырайы.
Чомартны къолу берекет.
Ашда – бёрю, ишде – ёлю.
Тойчу джашха къарама, къойчу джашха къара.
Ётген ёмюр – акъгъан суу.
Шайтан алдады, тюзлюк къаргъады.
Эм ашхы къайын ана мамукъ бла башынгы тешер.
Игиге айтсанг – билир, аманнга айтсанг – кюлюр.
Кёл ашады да, кеси ашады.
Азыкълы ат арымаз, къатыны аман джарымаз.

Логин:	Регистрация

Пароль:	Забыли пароль?

Запомнить меня

Аудио

Аппаев Алим

Скачать

Адрес