Аудио :: Аудио:: Кабардокова Зухра

Уллу къашыкъ эрин джыртар.
Ишни ахырын ойламай, аллын башлама.
Тёрени джагъы джокъ.
Эл бла кёргенинг эрелей.
Бир онгсуз адам адет чыгъарды, деб эштирик тюлсе.
Ауругъаннга – кийик саулукъ, джетген къызгъа – чилле джаулукъ.
Уясында не кёрсе, учханында аны этер.
Тойгъан антын унутур.
Джыгъылгъанны сырты джерден тоймаз.
Игини сыйлагъан адетди.
Сакъ юйюне сау барыр.
Кёл – къызбай, къол – батыр.
Къонакъ аман болса, къонакъбай джунчур
Халкъны юйю – туугъан джери.
Билмегенинги, билгеннге сор.
Кюн – узун, ёмюр – къысха.
Акъдан къара болмаз.
Акъыл сабырлыкъ берир.
Мухар, кеси тойса да, кёзю тоймаз.
Къууут – джелге, берне – бошха.
Адамны артындан къара сабан сюрме.
Ашарыкъда сайлагъаннга – чий гырджын.
Баш – акъыл ючюн, акъылман – халкъ ючюн.
Кимни – тили, тиши онглу, кимни – къолу, иши онглу.
Аллахдан тилесенг, кёб тиле.
Мал ёлсе, сюек къалыр, адам ёлсе, иши къалыр.
Абынмазлыкъ аякъ джокъ, джангылмазлыкъ джаякъ джокъ.
Биреуге аманлыкъны тилеме да, кесинге ашхылыкъны тиле.
Уллу къазанда бишген эт, чий къалмаз.
Чоюнну башы ачыкъ болса, итге уят керекди.
Алма терегинден кери кетмез.
Джети тилни билген джети кишиди.
Ашхы тенг джолгъа салыр, аман тенг джолдан тайдырыр.
Азыкълы ат арымаз, къатыны аман джарымаз.
Тойгъа барсанг, тоюб бар, эски тонунгу къоюб бар.
Кирсизни – саны таза, халалны – къаны таза.
Тели турса – той бузар.
Эркишиге тары кебек танг кёрюнюр.
Эр сокъур болсун, къатын тилсиз болсун.
Эри аманны, къатыны – аман.
Биреуге кёлтюрген таягъынг, кесинги башынга урур.
Мухарны эси – ашарыкъда.
Джаралыны джастыгъында сау ёлюр.
Ач келгенни – тойдур, кеч келгенни – къондур.
Таш ата билмеген, башына урур.
Сагъыш – къартлыкъгъа сюйюмчю.
Керти сёзге тёре джокъ.
Накъырданы арты керти болур.
Аякъларынгы джууургъанынга кёре узат.
Джылкъыдан – ат чыгъар, тукъумдан – джаш чыгъар.

Логин:	Регистрация

Пароль:	Забыли пароль?

Запомнить меня

Аудио

Кабардокова Зухра

Скачать

Адрес