Аудио :: Аудио:: Катчиев Руслан

Ата Джуртуму башы болмасам да, босагъасында ташы болайым.
Телиге от эт десенг, юйюнге от салыр.
Ёксюзню тилеги къабыл болур.
Къатыны харакетли болса, эри къымсыз болур.
Къазанчы аман болса, къазаны къайнамаз.
Джарлы тюеге минсе да, ит къабар.
Аш кетер да бет къалыр.
Эки ойлашыб, бир сёлешген.
Ачыкъ джюрекге джол – ачыкъ.
Атлыны кёрсе, джаяуну буту талыр.
Магъанасыз сёз – тауушсуз сыбызгъы.
Ашхы адам – халкъ байлыгъы, ашхы джер – джашау байлыгъы.
Ишлегенде эринме, ишде чолакъ кёрюнме.
Ётген ёмюр – акъгъан суу.
Чабакъсыз кёлге къармакъ салгъанлыкъгъа, чабакъ тутмазса.
Айтылгъан буйрукъ, сёгюлмез
Тюзню ётмеги тюзде къалса да, тас болмаз.
Хар сёзню орну барды.
Аш хазыр болса, иш харам болур.
Адамны сабийин сюйген джюреги, бычакъча, джитиди.
Ёзденликни джайгъан – джокълукъ.
Джукъу тёшек сайламайды.
Тил – кесген бычакъ, сёз – атылгъан окъ.
Баланы адам этген анады.
Нарт сёз къарт болмаз.
Эте билген, этген этеди, эте билмеген, юретген этеди!
Къая джолда джортма, ачыкъ сёзден къоркъма.
Сёлеш деб шай берген, тохта деб, сом берген.
Татлы сёз – балдан татлы.
Душманны тышы – акъ, ичи – къара.
Чакъырылмай келген къонакъ сыйланмай кетер.
Телиге акъыл салгъандан эсе, ёлгеннге джан салырса.
Чёбню кёлтюрсенг, тюбюнден сёз чыгъар.
Суу да къайтады чыкъгъан джерине.
Керти сёзге тёре джокъ.
Бети – къучакълар, джюреги – бычакълар.
Чомартха Тейри да борчлуду.
Биреуге аманлыкъ этиб, кесинге игилик табмазса.
Ушамагъан – джукъмаз.
Къарнынг ауруса, ауузунгу тый
Джумушакъ терекни къурт ашар.
Ишни аллы бла къууанма да, арты бла къууан.
Шапа кёб болса, аш татымсыз болур.
Айранны сюйген, ийнек тутар.
Игилик игилик бла сингдирилиучю затды.
Азыкълы ат арымаз, къатыны аман джарымаз.
Аман адамны тепсинге олтуртсанг, къызынгы тилер.
Ашхы сёз таш тешер.
Зар адам ашынгы ашар, кесинги сатар.
Миллетни бойну – базыкъ, аны бла кюрешген – джазыкъ.

Логин:	Регистрация

Пароль:	Забыли пароль?

Запомнить меня

Аудио

Катчиев Руслан

Скачать

Адрес