Аудио :: Аудио:: Катчиев Руслан

Тай асырагъан, атха минер.
Кёб ант этген, кёб ётюрюк айтыр.
Тели турса – той бузар.
Джауумдан сора, кюн кюйдюрюр, ётюрюкден сора, айыб кюйдюрюр.
Тау башында, тау болмаз, джангыз терек, бау болмаз.
Нёгерсизни джолу узун.
Адамны сабийин сюйген джюреги, бычакъча, джитиди.
Сыфатында болмагъаны, суратында болмаз.
Адам сёзюнден белгили.
Адеб джокъда, намыс джокъ.
Тюзню ётмеги тюзде къалса да, тас болмаз.
Эртде тургъан бла эртде юйленнген сокъуранмаз.
Бичгенде ашыкъма, тикгенде ашыкъ.
Эркишини аманы тиширыуну джылатыр.
Чалманны аллы къалай башланса, арты да алай барады.
Билим – акъылны чырагъы.
Тёрде – темир таякълы, къаяда – чыпчыкъ аякълы.
От кюйдюрген, сау болса да, тот кюйдюрген, сау болмаз.
Окъугъан озар, окъумагъан тозар.
Айран тёгюлсе, джугъусу къалыр.
Ашхы адам – халкъ байлыгъы, ашхы джер – джашау байлыгъы.
Ана – юйню кюн джарыгъы.
Айранын берсенг, челегин да къызгъанма.
Билмезни кёзю кёрмез, этмезни къулагъы эшитмез.
Хоншуну тауугъу къаз кёрюнюр, келини къыз кёрюнюр.
Ач къарным, тынч къулагъым.
Эшекге миннген – биринчи айыб, андан джыгъылгъан – экинчи айыб.
Чомартны къолун джокълукъ байлар.
Джюз элде джюз ёгюзюм болгъандан эсе, джюз джууугъум болсун.
Ашатыргъа иш – ашхы, ишлетирге аш – ашхы.
Акъыллы башны – тили къысха.
Къулакъдан эсе, кёзге ышан.
Керилген да, ургъан кибикди.
Тил джюрекге джол ишлейди.
Адеб базарда сатылмаз.
Айтхан – тынч, этген – къыйын.
Ат да турмайды бир териде.
Башланнган иш битер, къымылдагъан тиш тюшер.
Иги сеники эсе да, сюйген кесимикин этеме.
Джылкъыдан – ат чыгъар, тукъумдан – джаш чыгъар.
Онгсузну – джакъла, тенгликни – сакъла.
Уллу сёлешме да, уллу къаб.
Баргъанынга кёре болур келгенинг.
Къазанда болса, чолпугъа чыгъар.
Ат басханны джер билед.
Ата – баланы уясы.
Аз сёлешген, къайгъысыз турур.
Акъыллы эркиши атын махтар, акъылсыз эркиши къатынын махтар.
Ауругъан – джашаудан умутчу.
Тойгъан антын унутур.

Логин:	Регистрация

Пароль:	Забыли пароль?

Запомнить меня

Аудио

Катчиев Руслан

Скачать

Адрес