Аудио :: Аудио:: Катчиев Руслан

Джылыгъа джылан илешир.
Ашхы болсанг, атынг чыгъар, аман болсанг, джанынг чыгъар.
Байлыкъ болгъан джерде, тынчлыкъ джокъду.
Телиге от эт десенг, юйюнге от салыр.
Иги сёз – джаннга азыкъ, аман сёз башха – къазыкъ.
Бек ашыкъгъан меннге джетсин, дегенди аракъы.
Билгенни къолу къарны джандырыр.
Туз, гырджын аша, тюзлюк бла джаша.
Игилик игилик бла сингдирилиучю затды.
Джуртун къоругъан озар.
Тас болгъан бычакъны сабы – алтын.
Джангыз терек къынгыр ёсер.
Ата Джуртун танымагъан, атасын да танымаз.
Джыгъылгъанны сырты джерден тоймаз.
Бетинги сатма, малынгы сат.
Билими азны – ауузунда кирит.
Уллу сёлешме да, уллу къаб.
Къыз тиширыу кеси юйюнде да къонакъды.
Сагъыш – къартлыкъгъа сюйюмчю.
Аякъларынгы джууургъанынга кёре узат.
Бюгюн дуния кибик, тамбла ахыратды.
Уллу айтханны этмеген – уллаймаз.
Айтылгъан буйрукъ, сёгюлмез
Байлыкъ келсе, акъыл кетер.
Хунаны тюбюн къазсанг, юсюнге ауар.
Ачыкъ джюрекге джол – ачыкъ.
Кёбню кёрген – кёб билир.
Башсыз урчукъ тюзюне айланмаз.
Хатерли къул болур.
Къарын къуру болса, джюрек уру болур.
Тил – кесген бычакъ, сёз – атылгъан окъ.
Акъыллы – эл иеси, тели – эл баласы.
Мал кёб болса, джууукъ кёб болур.
Алтыда кюлмеген, алтмышда кюлмез.
Айныгъанлы алты кюн, тогъайгъанлы тогъуз кюн.
Къонакъ аз олтурур, кёб сынар.
Дууулдаса – бал чибин, къонса – къара чибин.
Аманнга игилик этсенг, юйюнге сау бармазса.
Башы ишлегенни, ауузу да ишлер.
Джаз бир кюнню джатсанг, къыш талай кюнню абынырса.
Кёкдеги болмаса, джердегин кёрмейди.
Иги сеники эсе да, сюйген кесимикин этеме.
Ёгюзню мюйюзлери ауурлукъ этмейдиле.
Аман хансны – урлугъу кёб.
Айранны сюйген, ийнек тутар.
Ышармагъан – кюлмез, кюлмеген – къууанчны билмез.
Эшекге миннген – биринчи айыб, андан джыгъылгъан – экинчи айыб.
Нёгер болсанг, тенг бол, тенг болмасанг, кенг бол.
Эли джокъну – кёлю джокъ.
Байны оноуу, джарлыгъа джарамаз.

Логин:	Регистрация

Пароль:	Забыли пароль?

Запомнить меня

Аудио

Катчиев Руслан

Скачать

Адрес