Аудио :: Аудио:: Бадахова Фазиля

Арбаз сайлама да, хоншу сайла.
Къыз келсе, джумуш эте келеди, къатын келсе, ушакъ эте келеди.
Чомартха Тейри да борчлуду.
Айтханы чапыракъдан ётмеген.
Чыкълы кюнде чыкъмагъан, чыкъса къуру кирмеген.
Оюмсуз атлагъан, аджалсыз ёлюр.
Джаш болсун, къыз болсун, акъылы, саны тюз болсун.
Аман адам элни бир-бирине джау этер.
Адеб базарда сатылмаз.
Дженгил джетерикме деб, узун джолну къоюб, къысхасын барма.
Джаным-тиним – окъуу, билим.
Эри аманны, къатыны – аман.
Къошда джокъгъа – юлюш джокъ.
Иги адамны бир сёзю эки болмаз.
Къобан да къуру да къобханлай турмайды, адам да къуру да патчахлай турмайды.
Адамны аманы адамны бети бла ойнар.
Айран ичген – къутулду, джугъусун джалагъан – тутулду.
Минг тенг да азды, бир джау да кёбдю.
Кёбге таш атма.
Ат басханны джер билед.
Къонакъ болсанг, ийнакъ бол.
Ашхы болсанг, атынг чыгъар, аман болсанг, джанынг чыгъар.
Тин – байлыгъынг, терен саулугъунг.
Мадар болса, къадар болур.
Ёлген ийнек сютлю болур.
Тешигини къатында, чычхан да батыр болур.
Аякъларынгы джууургъанынга кёре узат.
Ашха уста, юйюнде болсун
Чакъырылмагъан къонакъ – орунсуз.
Акъдан къара болмаз.
Ачылгъан эт джабылыр, кёрген кёз унутмаз.
Тай асырагъан, атха минер.
Арбаз къынгырды да, ийнек сауалмайма.
Къарны аманнга къазан такъдырма, къолу аманнга от джакъдырма.
Акъыл къартда, джашда тюйюлдю – башдады.
Гитче джилтин уллу элни джандырыр.
Ёгюзню мюйюзюнден тутадыла, адамны сёзюнден тутадыла.
Дууулдаса – бал чибин, къонса – къара чибин.
Алма терегинден кери кетмез.
Джарлы тюеге минсе да, ит къабар.
Ашхы – джыяр, аман – джояр.
Чабакъгъа акъыл, табагъа тюшсе келеди.
Джарлыны эшигин махтагъан джабар.
Ашына кёре табагъы, балына кёре къалагъы.
Кёпюр салгъан кеси ётер, уру къазгъан кеси кетер.
Татлы сёз – балдан татлы.
Байлыкъ тауусулур, билим тауусулмаз.
Ачны эсинде – аш.
Этек чакъмакълары баш джаргъан, сёлешген сёзлери таш джаргъан.
Сибиртки да сыйлы болду, кюрек да кюнлю болду.

Логин:	Регистрация

Пароль:	Забыли пароль?

Запомнить меня

Аудио

Бадахова Фазиля

Скачать

Адрес