Аудио :: Аудио:: Холамханов Къайсын

Адеби болмагъан къыз – тузсуз хант.
Этим кетсе да, сюегим къалыр.
Эринчекни аурууу – кёб.
Тюз сёз баргъан сууну тыяр.
Сормай – алма, чакъырылмай – барма.
Биреуню эскиси биреуге джангы болмайды.
Халкъны юйю – туугъан джери.
Чакъырылмагъан къонакъ – орунсуз.
Акъыллы башны – тили къысха.
Орундукъ тюбюнде атылсам да, орта джиликме, де да айлан.
Уллу къазанда бишген эт, чий къалмаз.
Ким бла джюрюсенг, аны кёзю бла кёрюнюрсе.
Ата Джуртча джер болмаз, туугъан элча эл болмаз.
Хар сёзню орну барды.
Игиге айтсанг – билир, аманнга айтсанг – кюлюр.
Бичгенде ашыкъма, тикгенде ашыкъ.
Тенгинг джокъ эсе – изле, бар эсе – сакъла!
Эллинг бла джау болсанг да, юйюнг бла джау болма.
Магъанасыз сёз – тауушсуз сыбызгъы.
Телиге от эт десенг, юйюнге от салыр.
Этни бети бла шорпасы.
Къая джолда джортма, ачыкъ сёзден къоркъма.
Ариу сёз аурууунгу алыр.
Миллетни бойну – базыкъ, аны бла кюрешген – джазыкъ.
Кёл – къызбай, къол – батыр.
Ач бёрюге мекям джокъ.
Ат да турмайды бир териде.
Адеб джокъда, намыс джокъ.
Байдан умут эте, джарлыдан ёгюз багъасы къорады.
Тил – кесген бычакъ, сёз – атылгъан окъ.
Тюкюрюк баш джармаз, налат кёз чыгъармаз!
Ариу джол аджал келтирмез.
Сагъыш – къартлыкъгъа сюйюмчю.
Арыгъан къош чамчы болур.
Садакъачыны джаны – къапчыгъында.
Адам къыйынлыгъын кёлтюрюр, зауукълугъун кёлтюрмез.
Къартны бурнун сюрт да, оноугъа тут.
Аллахдан тилесенг, кёб тиле.
Тойгъан джерге джети къайт.
Дууулдаса – бал чибин, къонса – къара чибин.
Эки ойлашыб, бир сёлешген.
Эл элде бирер малынг болгъандан эсе, бирер тенгинг болсун.
Кёб ант этген, кёб ётюрюк айтыр.
Акъылсызны джууукъгъа алма, акъыллыны кенгнге салма.
Иги сеники эсе да, сюйген кесимикин этеме.
Азыкъ аз болса, эртде орун сал.
Ишлегенде эринме, ишде чолакъ кёрюнме.
Ашда – бёрю, ишде – ёлю.
Ашыкъгъанны этеги бутуна чырмалыр.
Башы джабылгъан челекге, кир тюшмез.

Логин:	Регистрация

Пароль:	Забыли пароль?

Запомнить меня

Аудио

Холамханов Къайсын

Скачать

Адрес